25 ناۋرىز 2020, 15:17 1249 0 جاڭالىقتار اسىل تۇمار

توتەنشە جاعداي ءتارتىبىن بۇزعاندارعا 3 ميلليون تەڭگە ايىپپۇل سالىندى

سۋرەت عالامتوردان الىندى
سۋرەت عالامتوردان الىندى

نۇر-سۇلتان قالالىق پروكۋراتۋراسى ەلوردادا توتەنشە جاعداي رەجيمىن بۇزعان 83 ادام جاۋاپقا تارتىلعانىن مالىمدەدى.

قازاقپارات ۇسىنعان اقپاراتتا، ەلىمىزدە توتەنشە جاعداي جاريالانعان ساتتەن باستاپ ەلوردالىق قۇقىق قورعاۋشىلار 113 ادامدى، ونىڭ ىشىندە 29 ادامدى – زاڭسىز كاسىپكەرلىك قىزمەتپەن اينالىسقانى ءۇشىن، 83 تۇلعانى –  توتەنشە جاعداي رەجيمىن بۇزعانى ءۇشىن جانە 1 ادامدى توتەنشە جاعداي كەزىندە قۇقىقتىق ءتارتىپتى بۇزۋعا يتەرمەلەيتىن ارەكەت جاساعانى ءۇشىن جاۋاپكەرشىلىككە تارتقان.

«اكىمشىلىك ماتەريالداردى قاراۋ ناتيجەسىندە 99 تۇلعاعا جالپى سوماسى 3 088 415 تەڭگە اكىمشىلىك ايىپپۇل سالىنىپ، 14 ادام تۇتقىنعا الىندى. بۇعان قوسا، سوت مەملەكەت كىرىسىنە 1 725,7 ليتر انتيسەپتيك پەن 15 923 دانا مەديتسينالىق ماسكا تارتكىلەدى. ەلوردانىڭ بارلىق وكىلەتتى ورگاندارى مەملەكەت باسشىسىنىڭ جارلىعىندا جانە توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ ەرەجەلەرىندە بەكىتىلگەن شارالار مەن ۋاقىتشا شەكتەۋلەردىڭ ساقتالۋىن قاداعالاۋدا»، – دەپ اتاپ ءوتتى ەلوردالىق پروكۋراتۋرادان.

سوڭعى جاڭالىقتار