24 ناۋرىز 2020, 13:25 951 0 جاڭالىقتار اسىل تۇمار

قۇنى 27 ملن تەڭگە بولاتىن انتيسەپتيكتى زاڭسىز دايىنداعاندار ۇستالدى (ۆيدەو)

سۋرەت دەرەككوزدەن الىندى
سۋرەت دەرەككوزدەن الىندى

نۇر-سۇلتان قالالىق پروكۋراتۋراسى مەديتسينالىق پرەپاراتتاردى زاڭسىز جاساۋعا جانە ونى كوتەرمە ساۋدامەن وتكىزۋگە جول بەرمەدى. 

قازاقپاراتتىڭ مالىمەتىنشە، 22 ناۋرىزدا قالا پروكۋراتۋراسى مەن پوليتسيا دەپارتامەنتى قىزمەتكەرلەرىنىڭ بىرلەسكەن ءموبيلدى توبى جالپى مولشەرى 900 ليتر، ارقايسىسى 5 ليترلىك 180 دانا پلاستيكالىق ىدىسقا قۇيىلعان مەديتسينالىق پرەپارات – «انتيسەپتيكتى» زاڭسىز ساتۋ فاكتىسىن انىقتادى.

«ساتۋ ورنىن، ياعني تۇرعىن ءۇيدى قاراۋ بارىسىندا كىشىگىرىم تسەح انىقتالىپ، ول جەردە 1966 جىلى تۋعان ا.م. جانە 1998 جىلى تۋعان ا.ح. اتتى ازاماتتاردىڭ انتيسەپتيك جاساۋ ماقساتىندا كونتەينەردە 9 توننا سپيرتتىك سۇيىقتىقتى زاڭسىز ساقتاعانى ايقىندالدى. زاڭسىز جاسالعان جانە ساتۋعا ارنالعان ءونىمنىڭ جالپى سوماسى 27 ملن تەڭگە»، – دەلىنگەن پروكۋراتۋرا حابارلاماسىندا.

مەديتسينالىق پرەپاراتتاردى ساتۋ جانە ەتيل ءسپيرتىن اينالىمعا شىعارۋ ليتسەنزيالىق قىزمەت تۇرىنە جاتادى، سوندىقتان قر قك 214-بابىنىڭ 1-بولىگىمەن سوتقا دەيىنگى تەرگەۋ باستالدى.

شۇعىل تەرگەۋ ارەكەتتەرىنەن سوڭ قىلمىستىق ءىس نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنە جولداندى.

سوڭعى جاڭالىقتار