24 ناۋرىز 2020, 11:44 474 0 جاڭالىقتار اسىل تۇمار

اۆتوكولىگىمەن وزەنگە اعىپ كەتكەن جۇرگىزۋشى قۇتقارىلدى

سۋرەت عالامتوردان الىندى
سۋرەت عالامتوردان الىندى

تالدىقورعاندا اۆتوكولىگىمەن بىرگە وزەنگە اعىپ كەتكەن جۇرگىزۋشى قۇتقارىلدى.

الماتى وبلىستىق تجد ءباسپاسوز قىزمەتىنىڭ مالىمەتىنشە، «22 ناۋرىز كۇنى كەشكە تالدىقورعان قالاسىنا قاراستى قىزىلتاس ساياجايى ماڭىندا جەڭىل اۆتوكولىكتىڭ جۇرگىزۋشىسى كولىكتى باسقارا الماي، قاراتال وزەنىنە ءتۇسىپ كەتكەن. ونىڭ اۆتوكولىگى وزەننىڭ اعىسىمەن تومەن قۇلديلاعان. كولىكتە جۇرگىزۋشى جالعىز بولعان».

كولىكتەن شىعىپ، بىراق جاعاعا جەتپەستەن سۋعا باتا باستاعان جۇرگىزۋشىگە ساياجايدىڭ 1995 جىلعى تۇرعىنى كومەككە ۇمتىلعان. وقيعا كۋاگەرى ەرجان باياحمەتوۆتىڭ ايتۋىنشا، ول جۇرگىزۋشىنى ەس-ءتۇسسىز كۇيدە سۋدان شىعارعان. العاشقى مەديتسينالىق كومەك كورسەتىپ، جەدەل جاردەم شاقىرعان.

«ادام ءومىرىن قۇتقارعانى ءۇشىن ەرجان باياحمەتوۆ ماراپاتقا ۇسىنىلادى»، – دەپ تولىقتىردى اتالعان ۆەدومستۆونىڭ ءباسپاسوز قىزمەتى.

سوڭعى جاڭالىقتار