23 ناۋرىز, 11:39 904 0 جاھان انار لەپەسوۆا

قىتايدا كوروناۆيرۋس جۇقتىرعانداردىڭ 90 پايىزى دەرتىنەن ايىقتى

سۋرەت ينتەرنەتتەن الىندى
سۋرەت ينتەرنەتتەن الىندى

قىتايدا كوروناۆيرۋس جۇقتىرعانداردىڭ 90 پايىزى ەمدەلىپ شىقتى. 

بۇگىندە ەلدە 5120 ادام ناۋقاستانىپ جاتىر، دەپ حابارلايدى ريا نوۆوستي. 

سوڭعى دەرەكتەرگە سۇيەنسەك، قىتايدا جالپى كوروناۆيرۋسقا شالدىققاندار سانى 81 مىڭ ادامعا جەتتى. ونىڭ 72,7 مىڭى اۋرۋحانادان جازىلىپ شىققان.

ەپيدەميا باستالعالى حۋبەي پروۆينتسياسىن قوسپاعاندا قىتايدا 13 293 ادامنىڭ اۋرۋعا شالدىققانى، 117 ناۋقاستىڭ كوز جۇمعانى بەلگىلى بولدى. ءولىم-ءجىتىم دەڭگەيى 0,88 پايىزدى قۇرادى.

اۋرۋ وشاعىنا العان حۋبەيدە 67800 ادام ۆيرۋس جۇقتىردى، ونىڭ 3153-ءى قايتىس بولدى. ءولىم-ءجىتىم دەڭگەيى 4,65 پايىزدى قۇرادى.

بۇدان بولەك، شانحاي بيلىگى COVID-19 ۆيرۋسىنا بايلانىستى جاريالانعان توتەنشە جاعدايدىڭ ەڭ جوعارعى دەڭگەيىن تومەندەتتى.

ايتا كەتەيىك، قازاقستاندا كوروناۆيرۋس جۇقتىرعاندار سانى 60 ادامعا جەتتى. ونىڭ ىشىندە نۇر-سۇلتاندا – 31, الماتىدا – 25, قاراعاندىدا – 2, الماتى وبلىسىندا - 1 جانە اقتوبە وبلىسىندا 1 جاعداي تىركەلدى.

سوڭعى جاڭالىقتار