23 ناۋرىز 2020, 10:50 1168 0 جاھان انار لەپەسوۆا

يلحام اليەۆ ءبىر جىلدىق جالاقىسىن كوروناۆيرۋسپەن كۇرەس جۇمىستارىنا ءبولدى

ءازىربايجان باسشىسى يلحام اليەۆ ءوزىنىڭ ءبىر جىلدىق جالاقىسىن كوروناۆيرۋسپەن كۇرەستى قولداۋ قورىنا اۋداردى. 

 بۇل تۋرالى Sputnik ءازىربايجان اگەنتتىگى حابارلادى. 

يلحام اليەۆتىڭ تاپسىرماسىمەن قۇرىلعان كوروناۆيرۋسپەن كۇرەستى قولداۋ قورىنا باستاپقىدا مەملەكەت باسشىسىنىڭ رەزەرۆتىك قورىنان 20 ميلليون مانات بولىنگەن.

ودان بولەك، ەلدىڭ بارلىق جەكە جانە زاڭدى تۇلعالارى قارجىنى سوندا اۋدارا الادى.

ريا نوۆوستي باسىلىمىنىڭ مالىمەتىنشە، ءازىربايجاندا كوروناۆيرۋس ينفەكتسياسىن 65 ادام جۇقتىرعان. ولاردىڭ ءبىرى قاۋىپتى ىندەتتەن كوز جۇمدى.

بۇعان دەيىن ءازىربايجان استاناسى باكۋ كوروناۆيرۋسقا بايلانىستى جابىلعانى حابارلانعان بولاتىن. 

بيلىك رەجيم بۇزعانداردىڭ جاۋاپكەرشىلىككە تارتىلاتىنىن ەسكەرتتى.

ءازىربايجان مينيسترلەر كابينەتى جانىنداعى وپەراتيۆتى شتاب باكۋگە، سۋمگايت قالاسى مەن اپشەرون اۋدانىنا كىرۋگە شەكتەۋ قويىلعانىن حابارلادى.

بۇل شەشىم COVID-19 كوروناۆيرۋستىق ينفەكتسياسىنىڭ تارالۋىنا جول بەرمەۋ ماقساتىندا قابىلدانعان. 

سوڭعى جاڭالىقتار