23 ناۋرىز, 09:07 1153 0 جاھان انار لەپەسوۆا

تۇركيادان 536 قازاقستاندىق ەلگە ورالدى

800-دەن استام وتانداسىمىز ناۋرىز مەيرامىنا شەت ەلدەردەن ۇيلەرىنە ۇشىپ كەلدى. بۇل تۋرالى سىرتقى ىستەر مينيسترلىگى حابارلادى.

22 ناۋرىزدا قر مىسىرداعى ەلشىلىگىنىڭ ديپلوماتتارى قازاقستاندىق تۋريستەردى شارم ەل شەيح - الماتى باعىتى بويىنشا چارتەرلىك رەيسكە وتىرعىزۋعا قولعابىس كورسەتتى.

«ءبىزدىڭ تۋريستەر ءۇشىن Scat اۋەكومپانياسى ۇيىمداستىرعان چارتەرلىك رەيسكە ديپلوماتتاردىڭ كۇشىمەن كاير جانە الەكساندريا قالالارىندا ۋاقىتشا بولعان ازاماتتارىمىزدىڭ ىشىنەن قوسىمشا جولاۋشىلار وتىرعىزىلعانىن اتاپ وتەمىز. جۇرگىزىلگەن جۇمىستىڭ قورىتىندىسى بويىنشا 235 ازاماتىمىز ەلگە ورالدى.

سونداي-اق، تۇركيادا قازاقستاندىق ديپلوماتتار قر 536 ازاماتىن ەلگە جىبەرۋگە كومەك كورسەتتى. ولار ىستامبۇل اۋەجايىنىڭ ترانزيتتىك ايماعىندا جينالعان وتانداستارىمىزدى جونەلتۋ جونىندە ايتارلىقتاي اۋقىمدى جۇمىس جۇرگىزگەنىن اتاپ ءوتۋ كەرەك» دەلىنگەن حابارلامادا.

سونىمەن قاتار، قر 32 ازاماتى ماجارستان (31) مەن ومانداعى (1) ديپلوماتتاردىڭ قولداۋىمەن ەلگە قايتقان. جالپى، 22 ناۋرىزدا 803 وتانداسىمىز قازاقستانعا ورالدى.

 

سوڭعى جاڭالىقتار