22 ناۋرىز, 20:40 3731 0 دەنساۋلىق انار لەپەسوۆا

ۋحاندا ءتورت كۇننەن بەرى كوروناۆيرۋس جۇقتىرۋ دەرەگى تىركەلمەدى

قىتايدىڭ ۋحان قالاسىندا سوڭعى ءتورت كۇندە كوروناۆيرۋس جۇقتىرۋ دەرەكتەرى تىركەلمەگەن. بۇل تۋرالى سينحۋا اگەنتتىگى حابارلادى. 

حۋبەي پروۆينتسياسىنىڭ دەنساۋلىق ساقتاۋ ءىسى جونىندەگى كوميتەتى اپتا سوڭىنا قاراي ۋحان قالاسىندا جانە حۋبەي پروۆينتسياسىندا كوروناۆيرۋستىڭ جاڭا تۇرىمەن اۋىرۋدىڭ راستالعان جاعدايلارىنىڭ جالپى سانى تيىسىنشە 50 005 جانە 67 800 ادام دەڭگەيىندە قالدى دەپ مالىمدەدى. 490 ادام اۋرۋحانادان شىعارىلدى،بەس ناۋقاس قايتىس بولدى.

جالپى العاندا، قحر-دا تاۋلىگىنە 46 كوروناۆيرۋس وقيعاسى انىقتالدى. ولاردىڭ بارلىعى شەتەلدەن كەلگەندەردەن تىركەلگەن. وسىعان بايلانىستى ۇكىمەت اۋە قاتىناسى ءۇشىن جاڭا شەكتەۋلەر ەنگىزدى. دۇيسەنبىدەن باستاپ بەيجىڭگە ۇشاتىن بارلىق حالىقارالىق رەيستەر باسقا 12 قالاعا باعىتتالاتىن بولادى. ەلورداعا تەك كارانتيندىك تالاپتارعا ساي كەلەتىن ادامدار عانا كىرە الادى.

سوڭعى جاڭالىقتار