22 ناۋرىز, 15:28 1595 0 دەنساۋلىق انار لەپەسوۆا

تۇركيادا كوروناۆيرۋستان 21 ادام كوز جۇمدى

تۇركيادا كوروناۆيرۋس جۇقتىرعاندار cانى 947-گە جەتتى. ەلدە ىندەتتەن 21 ادام كوز جۇمدى. بۇل تۋرالى وسى ەلدىڭ دەنساۋلىق ساقتاۋ ءمينيسترى فاحرەتتين كودجا مالىمدەدى. 

تۇركيا بيلىگى پاندەميامەن كۇرەستە قاتاڭ شارالارعا كوشتى. ايماقتا قوعامدىق ءىس-شارالاردىڭ وتۋىنە تىيىم سالىندى. ماماندار حالىق كوپ جينالاتىن جەرلەردى ۇنەمى زارارسىزداندىرىپ وتىرادى. جۇما نامازى دا ۋاقىتشا مەشىتتە وقىلمايتىن بولدى.

سونىمەن قاتار، تاياۋدا تاعى 46 ەلمەن اۋە قاتىناسى شەكتەلدى. تىزىمدە قازاقستان دا بار. بۇگىنگى تاڭدا تۇركيا 71 ەلمەن اۋە بايلانىسىن ءۇزدى. 

ايتا كەتەيىك،  دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا سوڭعى تاۋلىكتە الەمدە 32 مىڭ ادام كوروناۆيرۋس جۇقتىرعان.

دۇنيەجۇزىندە ناۋقاستاردىڭ جالپى سانى 266 مىڭعا جەتتى. 11 مىڭنان استام ادام وسى دەرتتەن كوز جۇمدى. 

ال قازاقستاندا كوروناۆيرۋس 57 ادامنان انىقتالدى. نۇر-سۇلتان قالاسى بويىنشا 31 ادام، الماتى قالاسىندا – 23, قاراعاندى قالاسىندا – 2, الماتى وبلىسىندا 1 ادام ىندەت جۇقتىرعان. 

سوڭعى جاڭالىقتار