22 ناۋرىز, 13:24 394 0 ەكونوميكا انار لەپەسوۆا

نۇر-سۇلتان مەن الماتىدا دوللار ساتۋ توقتاتىلدى

نۇر-سۇلتان مەن الماتىداعى ۆاليۋتا ايىرباستاۋ پۋنكتتەرى بۇگىن دوللار ساتۋدى توقتاتتى.

Kurs.kz مالىمەتىنشە، الماتىدا تەك ەكى ايىرباستاۋ پۋنكتىندە عانا دوللار 452-452,5 تەڭگەگە ساتىلىپ جاتىر.

ال نۇر-سۇلتاننىڭ ايىرباستاۋ پۋنكتەرى امەريكالىق ۆاليۋتانى ساتۋدى بۇگىنگە توقتاتقان.

شىمكەنتتە ءبىر دوللاردى 453 تەڭگەگە ساتىپ الۋعا بولادى.

ايىرباستاۋ پۋنكتەرىندە ەۋرو باعامى: 483-490, 485-492 تەڭگە.

ەسكە سالا كەتەيىك، بۇعان دەيىن ۇلتتىق بانك ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەگىن بەلگىلەگەن بولاتىن.

  • اقش دوللارى - 6 تەڭگە;
  • ەۋرو - 7 تەڭگە.

بۇل شارالار ەلدەگى توتەنشە جاعداي رەجيمى ۋاقىتىندا ىسكە اسادى جانە ىشكى ۆاليۋتا نارىعىنا سىرتقى فاكتورلاردىڭ اسەرىن شەكتەۋگە جانە قارجىلىق تۇراقتىلىقتى قامتاماسىز ەتۋگە باعىتتالعان.

 

سوڭعى جاڭالىقتار