5 Naýryz 2020, 09:38 487 0 Rýhanııat Túrkistan Gazeti

Ankarada Abaı  jyly bastaldy

Ankarada Qazaqstannyń Túrkııadaǵy elshi­li­giniń uıymdastyrýymen Abaı Qunan­baıulynyń 175 jyldyq mereıtoıyna oraı sal­tanatty is-shara ótti.

Atalǵan is-shara Ankara Hadjy Baıram Ýálı ýnı­versıtetiniń qoldaýymen ári Qazaqstan Ult­tyq aka­demııalyq kitaphanasynyń jáne Túrkııa Má­denıet jáne týrızm mınıstrligi Kórkemóner to­by­nyń qatysýymen júzege asyryldy.

Basqosýǵa kelgen qonaqtardy qazaqstandyq stý­­dent­ter qara jorǵa bıimen qarsy aldy.

Qazaqstannyń Túrkııadaǵy elshisi Abzal Sa­par­bek­uly alǵysózinde Abaıdyń  qazaq halqynyń rýha­nııaty úshin tarıhı tulǵalyǵy tóńireginde sóz ór­bit­ti. «Onyń shyǵarmalarynda ulttyq bolmysymyz, ómirimiz, dúnıetanymymyz, minezimiz, tilimiz, dinimiz jáne rýhymyz kórinis tap­qan» dep sózin jalǵastyrǵan elshi A.Saparbekuly Prezıdent Q.Toqaevtyń ıntellektýaldyq ult bolý Abaıdan bastalady degen oı-pikirleri mem­leketimizdiń basty murat-maqsaty bolyp otyr­ǵanyn jetkizdi. Sondaı-aq bıyl jyl boıy Túr­kııanyń basqa da ýnıversıtetteriniń qoldaýymen Abaı jylyna oraı is-sharalar jalǵasyn taba­tyny­na úmit artty.

Saltanatty jıyn stýdentter arasynda aqyn­nyń ómiri men shyǵarmashylyǵyna qatysty bi­lim­pazdar saıysymen jalǵasyn tapty. Saıysqa qatysýshylar Abaı taqyryby boıynsha tanym­dyq deńgeıin kórsetip, júldegerler syılyqtarmen marapattaldy. Aıta ketelik, jarysta birinshi bo­lyp, ozyp shyqqan ýnıversıtettiń 4-kýrs stýden­ti Elıf Atlyǵa Qazaqstanǵa saıahat týry tabystaldy.

Jıyn barysynda Túrkııa Mádenıet jáne tý­rızm mınıstrligi Ankara memlekettik túrki álemi shyǵarmashylyq toby konerttik baǵdarlamasyn usynyp, zalǵa jınalǵan 800-ge jýyq kórermen Abaı­dyń halyq arasynda súıikti ánderge aınal­ǵan «Kózimniń qarasy», «Aıttym sálem, Qalamqas», «Jelsiz túnde jaryq aı» jáne t.b. ásem ánderin óner­pazdarmen birge shyrqady.

Igi shara ǵylymı konferenııaǵa ulasyp, ta­nymal ǵalymdar Abaı shyǵarmashylyǵyna qa­tysty baıandamalar jasady.

E.TURSYN

Ankara qalasy, Túrkııa

 

Sońǵy jańalyqtar