26 Aqpan, 09:44 1274 0 Jahan Anar LEPESOVA

Iranda vıe-mınıstr men depýtattan koronavırýs anyqtaldy (vıdeo)

Irannyń parlament depýtaty Mahmýd Sadekıdiń koronavırýs juqtyrǵany málim boldy. Bul týraly saıasatkerdiń ózi Twitter paraqshasynda habarlady, dep jazady RIA Novostı. 

"Koronavırýsty anyqtaýǵa arnalǵan synaq oń nátıje kórsetti. Men bul týraly ary qaraı ómir súre alatynyma  úmitim bolmaǵandyqtan habarlap turmyn", - dep jazdy depýtat áleýmettik jelide. 

Aıta keteıik, buǵan deıin osy eldiń Densaýlyq saqtaý mınıstriniń orynbasary Iradj Harırchıden koronavırýs anyqtalǵany habarlanǵan.

Sońǵy derek boıynsha, Iranda qaýipti vırýstan qaza tapqandardyń sany 19 adamǵa jetken. Dúnıejúzilik densaýlyq saqtaý uıymy bul jaǵdaıǵa alańdaýly.

Óz kezeginde AQSh-tyń Memlekettik hatshysy  Maık Pompeo Iran dert qurbandarynyń naqty sanyn jasyryp otyr degen kúdigin bildirdi.Ol barlyq elderdi koronavırýs jaıly derekterdi búrkemelemeýge shaqyrdy.

 

Sońǵy jańalyqtar