25 Aqpan, 19:16 345 0 Aımaq Anar LEPESOVA

Qasym-Jomart Toqaev Jeńis Qasymbekke tapsyrma berdi

Memleket basshysy Qasym-Jomart Toqaev Qaraǵandy oblysynyń ákimi Jeńis Qasymbekti qabyldady, dep habarlaıdy  Aqordanyń baspasóz qyzmeti. 

Qazaqstan Prezıdentine óńirdiń negizgi áleýmettik-ekonomıkalyq kórsetkishteri, sonyń ishinde ónerkásip, aýyl sharýashylyǵy jáne qurylys salalaryndaǵy óndiristiń ósimi jóninde esep berildi.

Qasym-Jomart Toqaev oblystaǵy turǵyn úı qurylysynyń qarqynyn arttyrý, sonyń ishinde kópbalaly otbasylardy baspanamen qamtamasyz etý qajettigine nazar aýdardy.

Memleket basshysy ataýly áleýmettik kómekti belgili bir sanattaǵy azamattarǵa berýdiń, sondaı-aq, ataýly áleýmettik kómek alatyn eńbekke jaramdy adamdardy jumyspen qamtýdyń mańyzdylyǵyn atap ótti.

Jeńis Qasymbek týrıstik klaster qalyptastyrýdyń perspektıvalary jáne Ulytaý aýdanynda qajetti jol ınfraqurylymy, sondaı-aq, Balqash kóli aımaǵy men Qarqaraly aýdanynda týrızm salasyn jańǵyrtý týraly baıandady.

Prezıdent Qaraǵandy oblysyndaǵy kóktemgi sý tasqyny jaǵdaıyn muqııat baqylaýǵa alyp, tótenshe jaǵdaıdyń aldyn alý úshin qajetti daıyndyq sharalaryn júrgizýdi tapsyrdy.

 

Sońǵy jańalyqtar