25 Aqpan, 10:56 276 0 Nur Otan Anar LEPESOVA

«Jas Otan» tóraǵasy Shymkent jastarymen kezdesti

Elnur Beısenbaev Shymkent qalasyna jumys sapary aıasynda qala jastarymen, jergilikti organ basshylyǵymen, oqý oryndarynyń rektorlarymen kezdesip, stýdentter turatyn jataqhanalardy aralady.

Sapardyń birinshi kúni, 23 aqpanda Elnur Beısenbaev «Aına» bazarynda bolyp, «Kenes ortalygy» jumysymen tanysty. Jumysshylarmen, turǵyndarmen tildesý barysynda memlekettiń,  «Nur Otan» partııasynyń, «Jas Otan» JQ júzege asyratyn baǵdarlamalary boıynsha aqparattyq-túsindirý jumystaryn júrgizdi. Sondaı-aq, jastardyń jumys jaǵdaılarymen tanysyp, kóńil-kúıin bildi, júrgizilip jatqan memlekettik jastar saıasaty týraly pikirlerin tyńdady.

23 aqpanda «Jas Otan» JQ kóshbasshysy Shymkenttik jasotandyqtarmen, jastar uıymynyń kóshbasshylarymen beıresmı kezdesý ótkizdi.

Elnur Beısenbaev: "Belsendilermen ártúrli taqyryptarǵa áńgimelestim, sonyń ishinde jastar qanatynyń jumysy men eriktilerdiń bir jyldyq jospary talqylandy. Qatysýshy jastar «Jas Otan» JQ baǵdarlamalyq qujattarynda mindetti túrde eskeriletin, mardymdy pikirlermen, jaqsy usynystar engizdi".

24 aqpan kúni Elnur Beısenbaev Ońtústik Qazaqstan memlekettik pedagogıkalyq ýnıversıtetiniń rektorymen kezdesti. Kezdesý barysynda «Jas Otan» JQ kóshbasshysy ýnıversıtet rektoryna qabyldaý úshin alǵys bildirip,  ýnıversıtet qabyrǵasyndaǵy «Jas Otan» JQ fılıal jumysymen tanysty. Sonymen qatar, Beısenbaev Elnur ýnıversıtettiń stýdentter jataqhanasyn aralady.

Sondaı-aq, Beısenbaev Elnur qalalyq máslıhattyń jas depýtattarymen, jastar uıymdarynyń kóshbasshylarymen kezdesýi josparlanýda.

Esterińizge sala keteıik, «Jas Otan» JQ jetekshisi buǵan deıin Pavlodar, Atyraý oblystaryna, Nur-Sultan qalasyna baryp, atalǵan óńirlerde jastarymen kezdesip, jataqahanalaryna monıtorıg júrgizdi.

 

Sońǵy jańalyqtar