24 Aqpan, 19:32 1702 0 Áleýmet Anar LEPESOVA

Belgili prodıýser Diamond Princess kemesinde bolǵan 4 qazaqstandyqpen birge ushyp kelgeni úshin ótemaqy talap etti

Diamond Princess krýızdik laınerinde bolǵan 4 qazaqstandyqpen birge Tokıodan Nur-Sultanǵa ushyp kelgen 16 jolaýshynyń biri – teleprodıýser, «Keshıý» tobynyń dırektory Nazym Basqynbaeva koronavırýstyń potenıaldy tasymaldaýshylarymen birge ushatyny jóninde eskertpegeni úshin jaýapty vedomstvolardan moraldyq jáne materıaldyq shyǵyn tóleýdi talap etti.

Bul týraly prodıýser Instagram-daǵy paraqshasynda málimdedi.

Japonııadaǵy saparynan oralǵan jolaýshynyń aıtýynsha, olardyń qaýipti kemede bolǵan azamattarmen birge ushatynyn barlyq jaýapty organdar – Azamattyq avıaııa komıteti, QR Densaýlyq saqtaý mınıstrligi,  Qazaqstannyń Japonııadaǵy elshiligi jáne «Scat» áýe kompanııasynyń ókilderi bilgen. Alaıda ózge jolaýshylarǵa habarlap, birge ushýǵa kelisimderin almaǵan.

«Talap boıynsha biz vırýstyń potenıaldy tasymaldaýshylarymen birge ushýǵa qarsy emestigimiz jóninde kelisim berýimiz kerek. Eger bizge aldyn-ala eskertilse, basqa memleket arqyly ushyp keler edik, tipti bolmasa, basqa reıspen oralar edik. Dál sol jolaýshylarmen ushyp kelgenimiz úshin 14 kún boıy karantınge jatqyzylatynymyzdy da bizdiń syrtymyzdan sheship qoıǵan. Biz úshin sheshim qabyldaǵan áýe kompanıasy men bılik ókilderi bizdiń konstıtýııalyq quqyǵymyzǵa qol suqty, jolaýshylarǵa tańdaý quqyǵyn bermedi», – deıdi prodıýser.

Osy oraıda, Nazym Basqynbaeva 14 kún boıy tórt qabyrǵaǵa qamalyp,  josparly isterin oryndaý múmkindiginen aırylǵany úshin jaýapty tulǵalardan ózine keltirilgen moraldyq jáne materıaldyq shyǵynnyń ótelýin talap etti.

Sońǵy jańalyqtar