24 Aqpan, 12:49 8234 0 Saıasat Anar LEPESOVA

Toqaev Palymbetovtiń otstavkaǵa ketý týraly ótinishin qabyldady

QR Kásipkerlik kodeksiniń 312-babyna sáıkes Qazaqstan kásipkerleriniń quqyqtaryn qorǵaý jónindegi ýákil laýazymyndaǵy merzimniń aıaqtalýyna baılanysty Bolat Palymbetov óz erkimen qyzmetinen bosatý týraly ótinish jazdy. Prezıdent bıznes-ombýdsmenniń ótinishin qanaǵattandyrdy.

4 jylda kásipkerlerdiń quqyqtaryn qorǵaý boıynsha qandaı jumys atqaryldy?

2016 jyly bıznes-ombýdsmenniń aldyna naqty mindet qoıyldy, ol– kásipkerlerdiń quqyqtary men múddelerin qorǵaý. Bul, eń aldymen, bıznestiń damýyna kedergi keltiretin tosqaýyldar, Qylmystyq jáne Qylmystyq-ákimshilik kodekstegi olqylyqtar, adal básekelestikti jáne bıznesti damytýǵa kedergi keltiretin ruqsat berý, lıenzııalyq, sybaılas jemqorlyq kedergileri.

Tórt jyl ishinde Qazaqstannyń barlyq óńirlerindegi kásipkerlermen kezdesýler ótkizilip, olardyń jıi kezdesetin máseleleri zerdelendi.

"Túsken ótinishterdiń basym bóligi qylmystyq isterdi zańsyz qozǵaý taqyrybyna jáne jalpy alǵanda qylmystyq kodekstiń repressıvtiligine qatysty boldy. Sondyqtan da bizdiń qyzmetimizdiń negizgi basymdyǵy ekonomıkalyq qylmystar boıynsha qylmystyq zańnamany izgilendirý jáne qylmystyq sıpattan aryltý boldy. Qazaqstan Táýelsizdiginiń 25 jyldyǵyna oraı raqymshylyq jasaý 600-den astam bas bostandyǵynan aıyrylǵan kásipkerge ekonomıkalyq qyzmetke qaıta oralýǵa múmkindik berdi", - deıdi Bolat Palymbetov.

Qylmystyq kodekske túzetýler engizildi. Bas prokýratýra men "Atamekenniń" ekonomıkalyq quqyq buzýshylyqtar úshin sankııalardy azaıtý jónindegi birlesken usynystary eskerildi. Atap aıtqanda, "Jalǵan kásipkerlik týraly" 215-bap alynyp tastaldy, alty bapqa, eger áreket alǵash ret jasalsa jáne memleket pen qoǵamǵa qaýip tóndirmese, jáne kásipker zalaldy óz erkimen ótese, jaýapkershilikten bosatý týraly eskertpeler engizilgen. Osylaısha, bıznes qyzmetin toqtatpaı ekonomıkalyq aınalymda qalýǵa, ekonomıkany damytýǵa odan ári úles qosýǵa múmkindik aldy.

"Qylmystyq quqyq buzýshylyqtar týraly habarlamalardy tirkeý rásimderine eleýli ózgerister engizildi. Nátıjesinde, ekonomıka salasyndaǵy qylmystyq isterdi tirkeý 8 ese qysqardy, 2015 jyly 8 170 is tirkelse, 2019 jyly bul kórsetkish 1053-ke deıin tómendedi. Sondaı-aq, memlekettik organdardyń baqylaý-qadaǵalaý fýnkııalaryna jáne kásipkerlik qyzmet kedergilerine qatysty zańnamaǵa taldaý júrgizildi. Birlesken jumys osy máselelerdi sheshýge baǵyttalǵan", - dep, atap ótti bıznes-ombýdsmen.

Qazaqstan álemniń kóptegen elimen ekonomıkalyq yntymaqtastyqty júzege asyryp otyr. Sondyqtan da basqa memleketterdiń aýmaǵynda otandyq bıznesmenderdiń óz máselelerimen jalǵyz qalmaýy biz úshin óte mańyzdy.  Osy maqsatta Reseı, Ózbekstan jáne Grýzııanyń bıznes-ombýdsmenderimen Ózara kómek jáne yntymaqtastyq týraly kelisimderge qol qoıyldy. Osy elderdiń bıznes-ombýdsmenderimen ózara is-qımyl aıasynda bıznesti qorǵaý máseleleri boıynsha aqparat almasý jolǵa qoıylǵan, kásipkerlerge qatysty zańsyz áreketter jasaǵan tulǵalardy jaýapkershilikke tartýǵa jáne olardyń múlkin (taýarlardy, aqsha qarajatyn jáne t.b.) qaıtarýǵa járdem kórsetiledi, sondaı-aq daýlardy sotqa deıin retteý boıynsha sharalar qabyldanyp jatyr.

Jalpy, Qazaqstanda bıznesti júrgizý úshin jaǵdaıdy jaqsartý boıynsha qabyldanyp jatqan sharalarǵa halyqaralyq reıtıngtik uıymdar oń baǵa berip otyr. Eger "Doing Business 2017" reıtıngisinde Dúnıejúzilik bank esebiniń derekteri boıynsha Qazaqstan 35-orynda bolsa, "Doing Business 2020" (2019 jylǵy 24 qazanda jarııalanǵan) nátıjeleri boıynsha Qazaqstan 25-orynǵa kóterildi.

Búginde Memleket basshysynyń qoldaýynyń arqasynda Qazaqstanda bıznes ortany jetildirý boıynsha júıeli jáne aýqymdy jumys jalǵasyp jatyr. Bıznes-ombýdsmen ınstıtýty osy baǵytta júrgizilip jatqan jumysty tolyqtyrýǵa jáne kúsheıtýge múmkindik beredi.

Memleket basshysynyń Ókimimen Rýstam Manarbekuly Júrsinov Qazaqstan kásipkerleriniń quqyqtaryn qorǵaý jónindegi ýákil qyzmetine taǵaıyndaldy.

Sońǵy jańalyqtar