21 Aqpan, 21:15 518 0 Jańalyqtar Asyl TUMAR

Paıdalanylmaǵan jer ıelerine jaza kúsheımek – jer salyǵy óse me?

Sýret ǵalamtordan alyndy
Sýret ǵalamtordan alyndy

24.kz saıtynyń málimetinshe, Aýyl sharýashylyǵy mınıstrligi paıdalanylmaǵan alqaptyń ıesine salynatyn jer salyǵynyń kólemin qaıta qaraýdy usynyp otyr. Atalmysh vedomstvo «sharýashylyqqa tıesili alqapqa eshqandaı daqyl egilmese, jer salyǵyn 20 esege deıin kóterý qajet» dep sanaıdy.

«Talapty tipti qatańdatyp, salyq kólemin 50 esege deıin arttyrý kerek» dep bastama kótergender de bar. Bul sharýalardyń jaýapkershiligin arttyryp, jerdi maqsatty paıdalaný úshin qolǵa alynbaq. Qazirgi ýaqytta Jer kodeksi boıynsha alqaptyń bos jatqany anyqtalǵan jaǵdaıda jer ıesine tıisti organdar salyqty 10 ese artyq tóleýge mindetteıdi.

– Biz bul máselege qatysty eki baǵytta jumys isteýge bekinip otyrmyz. Alǵashqysy ǵaryshtan alynǵan aqparat boıynsha monıtorıng jasalady. Biz ony portalǵa ornalastyramyz. Sondyqtan bári ashyq bolady. Máselen, paıdalanbaǵan jer qyzyl túspen boıalady. Iaǵnı, kimniń jerdi paıdalanyp, kimniń paıdalanbaı jatqany anyq kórinip turady. Jerdi aýylsharýashylyq maqsatynda jumys isteıtin sharýalarǵa berý qajet. Al ekinshi baǵytymyz salyq mólsheri qaıta qaralsa deımiz. Jerdi paıdalanbasa, oǵan myńdaǵan qarjy tólep, qolda ustap otyrý eshkimge tıimsiz dep oılaımyn, – dedi  Aýyl sharýashylyǵy mınıstriniń orynbasary Rústem Qurmanov.

Sońǵy jańalyqtar