21 Aqpan, 13:11 3152 0 Óner Anar LEPESOVA

"Bul ne degen masqara?!": Tramp "Parazıtter" fılmine "Oskar" bergenderge shúılikti

AQSh prezıdenti Donald Tramp ońtústikkoreıalyq «Parazıtter» fılminiń «Oskardyń» basty marapatyna ıe bolýyn synǵa aldy.

«Bul ne degen masqara?! Ońtústik Koreıa fılminiń bas júlde alýy aqylǵa syımaıdy. Kınoakademııada ne bolyp jatyr ózi? Men bul fılm «shetel tilindegi úzdik fılm» atalymy boıynsha ǵana marapattaldy dep oıladym. Mundaı sumdyq buryn bolyp pa edi?», - dedi Tramp Koloradodaǵy sherýde sóılegen sózinde.

AQSh-tyń Ońtústik Koreıamen saýda qatynasynyń keri ketip turǵanyn eske salǵan Aq úı basshysy úzdik fılm júldesiniń  ońtústikkoreıalyq týyndyǵa berilýin durys sheshim dep eseptemeıtinin aıtty.  

Eske sala keteıik, «Oskar» júldesiniń marapattaý saltanatynda rejısser Pon Chjýn Honyń «Parazıtter» fılmi tórt birdeı atalym boıynsha jeńiske jetti: «Úzdik fılm» «Shetel tilindegi úzdik fılm» «Úzdik senarıı» jáne «Úzdik rejıssýra».

Tegter AQSh Tramp

Sońǵy jańalyqtar