20 Aqpan, 19:14 314 0 Jahan Anar LEPESOVA

Stambul áýejaıyndaǵy ushaq apatynyń sebebi jarııalandy

5 aqpanda Stambul áýejaıynda apatqa ushyraǵan Pegasus áýe kompanııasy ushaǵynyń qara jáshigindegi derekterdi saraptaǵan mamandar apatqa adam faktory jáne tabıǵattyń qolaısyzdyǵy sebep bolǵan degen tujyrymǵa keldi. Bul týraly Cumhuriyet basylymy habarlady.

Izmırden Stambulǵa bet alǵan ushaq áýejaıǵa qonar kezde ushý-qoný jolaǵynan shyǵyp ketip, úsh bólikke bólingen edi.  Túrkııa densaýlyq saqtaý mınıstrliginiń dereginshe, apat saldarynan 3 adam qaza taýyp, 179 adam jaraqat aldy.

Ushaqtyń qara jáshigin zertteýge alǵan AQSh azamattyq avıaııasy Federaldy basqarmasynyń Nemis federaldy tergeý bıýrosy jáne Boeing kompanııasy mamandarynyń qorytyndysyna sáıkes, «apatqa birneshe faktor áser etken, onyń ishinde ushqyshtyń da kinási bar».

Dıspetcher túrik tilinde buǵan deıingi ushaqtar basqa áýejaıǵa qoný týraly sheshim qabyldaǵanyn jetkizgen.  Alaıda ekinshi ushqysh, Gollandııa azamaty aıtylǵan eskertýdi túsinbegen. Qonar sátte ushaqqa naızaǵaı túsken jáne eki ushqysh ta qurylǵylardy muqııat baqylap, áýe kemesiniń qalypty qozǵalysyn joǵaltpaýǵa kúsh salǵan. Birneshe sekýnd buryn basqa ushaqtyń sátti ushyp ketkenin kórgen ushqyshtar ushý-qoný jolaǵyndaǵy jaǵdaı qalypty dep túsingen.

Jeldiń jyldamdyǵy qatty bolǵanyna qaramastan, ushaq sátti qonǵan. Alaıda ushý jolaǵynyń sońyna jetip qalǵanda shassı aldyńǵy ushaqtardyń dóńgelegindegi protektorlardan qalǵan taıǵaq izge túskende áýe kemesin toqtatýǵa tejegishtiń qaýqary jetpegen.

Qoný jolaǵynan shyǵyp ketken ushaq eńiske túsip, tómen quldılaǵan. Beton bekiniske soǵylyp, úshke bólingen.

 

Sońǵy jańalyqtar