20 Aqpan, 14:32 466 0 Áleýmet Anar LEPESOVA

Almatydaǵy ushaq apaty: áýejaı mańyna úı salýǵa ruqsat bergen sheneýnik qamaldy

Almaty áýejaıyna jaqyn jer ýchaskelerin zańsyz taratqan sheneýnik qamaýǵa alyndy. 

Sputnik Qazaqstannyń habarlaýynsha, Eńbekshiqazaq aýdany ákiminiń orynbasary Rysbekov ýaqytsha ustaý abaqtysyna qamaldy. 

Ol úsh jyl buryn Almaty áýejaıyna jaqyn jerlerde qurylys nysandaryn salýǵa ruqsat bergen.

Almaty oblysy boıynsha sybaılas jemqorlyqqa qarsy is-qımyl qyzmeti laýazymyn asyra paıdalanýǵa qatysty sotqa deıingi tergeýdi bastady.

"Ol 2017 jyly Talǵar aýdandyq sáýlet jáne qala qurylys bóliminiń basshysy qyzmetine atqaryp júrgende 16 jer ýchaskesine qurylys salýdyń syzba-nusqasyn zańsyz rásimdedi degen kúdikke ilindi. Osy qujat negizinde Jumabaevtyń atyna menshik quqyǵy týraly qujattar jasaldy. Jalpy aýdany bir gektardy quraıtyn jer ýchaskeleri Talǵar aýdanynyń Panfılov aýyldyq okrýginde Almaty áýejaıyna jaqyn ornalasqan", - dedi Sybaılas jemqorlyqqa qarsy is-qımyl agenttigi aǵa tergeýshisi Danııar Bekaıdarov elordada ótken baspasóz máslıhatynda.

 

 

Sońǵy jańalyqtar