20 Aqpan, 11:12 388 0 Densaýlyq Anar LEPESOVA

Túrkistandyq dárigerler klınıkalyq ólimge ushyraǵan naýqasty qutqardy

Kezekshilikte bolǵan túrkistandyq jedel járdem brıgadasy klınıkalyq ólimge ushyraǵan naýqasty qutqardy, dep habarlaıdy otyrar.kz  

Oblystyq jedel járdem qyzmetine beıtanys áıeldiń qoǵamdyq orynda qulap jatqany týraly habar kelip túsedi. Qutqarý toby 7 mınýtta jetken. Es-túzsiz jatqan áıelge dárigerler «klınıkalyq ólim» dıagnozyn qoıypty.

Medıınalyq qyzmetkerler júrek-ókpe jumysyn qalpyna keltirý úshin tez shara qoldanyp, naýqastyń beti beri qaraıdy. Dárigerlerdiń arqasynda 41 jastaǵy áıel klınıkalyq ólimnen keıin tirilgen. 2-shi top múgedegi densaýlyǵyna qatysty dárigerlik esepte turady. Óz mindetin abyroımen oryndaǵan feldsher Arman Saǵıdýlat qobaljyǵanyn jasyrmaıdy.

«Ómir men ólim arpalysyn kúnde kózben kórip júrgen soń naýqastardy qutqarýda bóten oıǵa jol joq. Barlyq kúsh-jigerimizdi salyp, dárigerlik kómek kórsetý meniń mindetim dep bilemin. Árbir qutqarylǵan jan men úshin úlken qýanysh», – deıdi Túrkistan qalalyq medıınalyq jedel járdem qyzmetiniń feldsheri.

Dárigerler naýqasty sanıtarlyq kólikpen aýrýhanaǵa jetkizgen. Qazir onyń jaǵdaıy birqalypty, ómirine qaýip tónip turǵan joq. Jyl basynan beri oblystyq medıınalyq jedel járdem qyzmetine 62 myńǵa jýyq shaqyrtý túsken. 2 adamnyń ómiri naqty qaterden qutqaryldy.

Sońǵy jańalyqtar