19 Aqpan, 15:30 343 0 Jańalyqtar Asyl TUMAR

Prezıdent Dáýren Abaevqa tapsyrma berdi

QR Prezıdenti Qasym-Jomart Toqaev Aqparat jáne qoǵamdyq damý mınıstri Dáýren Abaevty qabyldady, – dep habarlady Aqorda.

Kezdesý barysynda Prezıdentke memlekettiń aqparattyq saıasatynyń tetikterin jetildirý, azamattyq qoǵammen yqpaldastyqty nyǵaıtý, jastardyń bastamalary men jobalaryna qoldaý kórsetý, sondaı-aq, dıasporalyq jáne dinı saıasat baǵytynda josparlanǵan sharalar týraly baıandaldy.

Qasym-Jomart Toqaev volonter jylynyń tıimdi ótkizilýine, eriktilerge qoldaý kórsetýdiń naqty ınstıtýttaryn qalyptastyrýǵa erekshe kóńil bólýdi tapsyrdy.

Memleket basshysy «halyq únine qulaq asatyn memleket» tujyrymdamasyn júzege asyrýǵa azamattyq qoǵamdy tartýdyń, «Ashyq Úkimet» qaǵıdattaryn damytýdyń mańyzy zor ekenin aıtty.

Sonymen qatar Prezıdent qazaqstandyq mass-medıany qoldaýǵa baǵyttalǵan naqty sharalar qabyldaý jóninde tapsyrma berdi.

Sońǵy jańalyqtar