19 Aqpan, 16:45 259 0 Jańalyqtar Asyl TUMAR

Almaty taýlarynda qar kóshkini júrdi

Sýret ǵalamtordan alyndy
Sýret ǵalamtordan alyndy

Kishi Almaty ózeni basseıninde qar kóshkini júrip ketpes úshin jáne «Shymbulaq» aýmaǵynda demalýshylardyń qaýipsizdigin qamtamasyz etý maqsatynda jasandy qar kóshkinin júrgizý sharasy uıymdastyryldy.

«Bul – «Qazgıdromet» RMK-nyń 17 aqpandaǵy usynysy negizinde qolǵa alynǵan «Qazseldenqorǵaý» MM aldyn alý boıynsha profılaktıkalyq sharasy», – delingen Almaty qalalyq TJD taratqan habarlamada.

Jasandy kóshkin kezinde kólemi 15 myń tekshe metr qar massasy taý etegine tústi. Profılaktıkalyq qar kóshkinin túsirý kezinde ǵımarattar men qurylystarǵa zııan kelgen joq.

Qar kóshkinin túsirý jumysyna «Qazseldenqorǵaý» MM, «Nartas» JShS mamandary jumyldyryldy. Ony Almaty qalasy TJD, «Qazgıdromet» RMK, «Geografııa ınstıtýty», «Apattar medıınasy ortalyǵy» MM ókilderi baqylap, qadaǵalady.

Sońǵy jańalyqtar