18 Aqpan, 10:23 458 0 Jańalyqtar Asyl TUMAR

Baýyrjan Baıbek Pavlodar oblysynyń turǵyndarymen kezdesip, óńirdegi ózekti máselelerdi talqylaıdy

Sýret ǵalamtordan alyndy
Sýret ǵalamtordan alyndy

«Nur Otan» partııasy Tóraǵasynyń birinshi orynbasary Baýyrjan Baıbek Pavlodar oblysyna jumys saparymen bardy. 

Elbasy, «Nur Otan» partııasynyń kóshbasshysy Nursultan Nazarbaevtyń tapsyrmasy boıynsha Úkimetpen jáne óńirlik fılıaldarmen birge aýdandardy, qalalar men oblystardy damytýdyń 5 jylǵa arnalǵan jańa baǵdarlamalaryn ázirleý maqsatynda daıyndyq jumystary júrgizilýde.

Osyǵan oraı, «Nur Otan» partııasy Tóraǵasynyń birinshi orynbasary Baýyrjan Baıbek bastaǵan jumys toby elimizdiń búkil óńirin aralap, jergilikti halyqty tolǵandyryp júrgen máselelerdi zertteýge kirisken bolatyn.

Partııa Tóraǵasynyń birinshi orynbasary Baýyrjan Baıbek óziniń feısbýk-paraqshasynda:

– Aımaqtarǵa saparymdy jalǵastyrýdamyn. Búgin jáne erteń Pavlodar oblysynyń birqatar shalǵaı eldimekenderiniń turǵyndarymen kezdesip, sol jerde kókeıkesti máselelerdi talqylap, olardyń sheshimin birge tabýdy josparlap otyrmyn.

Partııanyń qoǵamdyq qabyldaý bólmelerine pavlodarlyqtardan kelip túsken ótinishterge jáne áleýmettik jeliler men BAQ-taǵy aqparattarǵa taldaý jasaý arqyly biz memleket tarapynan sheshimin kútken birinshi kezektegi mindetterdiń aýqymyn anyqtadyq. Atap aıtqanda, bul – áleýmettik qamsyzdandyrý, bilim berý, densaýlyq saqtaý, qorshaǵan ortanyń sapasy, sondaı-aq, turǵyn úı qorynyń mardymsyz jaǵdaıy, eldi mekenderdi abattandyrý jáne taǵy da basqa kóptegen máseleler.

Sýret B.Baıbektiń paraqshasynan alyndy

Azamattarymyzdy alańdatyp otyrǵan máseleler búginde ázirlenip jatqan aımaqty damytýdyń 5 jyldyq baǵdarlamasyna engiziledi. Biz ár qalany, aýdandy jáne aýyldy qamtýdy josparlap otyrmyz. Osy baǵyttaǵy jumystardy partııa ortalyq jáne jergilikti memlekettik organdarmen birlese otyryp birneshe aıdan beri júrgizip te keledi. «Nur Otan» túıindi máselelerge qulaq asyp qana qoımaı, olardy sheshý úshin naqty sharalardy qolǵa alýy kerek. Ol úshin bizde qajetti resýrstar bar, eń bastysy, qarapaıym halyq qoldap otyr, – dep jazdy.

 

Sońǵy jańalyqtar