17 Aqpan 2020, 20:39 493 0 Kólik Anar LEPESOVA

Demalys kúnderi Almatyda qalyń qardan 82 kólik apaty tirkeldi

Sýret: sputniknews.kz
Sýret: sputniknews.kz

Almatyda kommýnaldyq qyzmet mamandary ótken demalys kúnderi 15 myń 956 tekshe metr qar shyǵardy. Eki kún ishinde qalada 18 sm, al taýly aımaqtarda 90 santımetrge deıin aq ulpa jaýǵan. Tazalaý jumystary arnaıy kezekshilikpen oryndalyp, oǵan 600-den asa arnaıy tehnıka jáne 2500-ge jýyq adam jumyldyryldy, dep habarlaıdy "Almaty" arnasy. 

«Kóktaıǵaqtyń aldyn-alý maqsatynda qar jaýǵan kezde joldarǵa, jol qıylystaryna kóktaıǵaqqa qarsy 6900 tonna materıal sebildi. Kóshelerdi qardan tazartýǵa «Almaty tazalyq» mekemesinen basqa 13 merdiger uıym jumyldyryldy», – dedi qalalyq Jasyl ekonomıka basqarmasy basshysynyń orynbasary Dıas AHMETQALIEV.

Qar tazalaıtyn arnaıy tehnıkalardyń kedergisiz júrýi úshin bul iske jol polıııa patrýldik avtokólikteri de tartyldy. Qar qalyń jaýǵan 16-sy kúni qalada barlyǵy 82 jol-kólik apaty tirkelipti.

«Ótken táýlikte 82 jol apaty tirkeldi. 17 adam jaraqat aldy. Salystyrar bolsaq, 17 aqpan kúni 61 jol kólik apaty tirkelip, onda 12 kisi jaraqat alǵan. Jol apaty 25 paıyzǵa ósti», - dep habarlaıdy qalalyq PD jergilikti polıııa qyzmeti basqarmasynyń bastyǵy Tórehan ISIN.

Qardyń qalyń jaýýy saldarynan qalada 136 aǵash qulaǵan. Onyń 56 jaǵdaıynda synǵan aǵashtyń butaqtary avtokólikterdi basyp qalǵan.

«Mundaı jáıtter ásirese, Bostandyq jáne Áýezov aýdandarynda kóp kezdesti. Qulaǵan aǵashtyń butaqtary avtokólikterdi basyp qalǵan. Búgingi kúni 101 ótinim oryndaldy. Onyń 54-i búgin táýlik boıy jasalady», – dedi qalalyq qutqarý qyzmetiniń basshysy Dmıtrıı ChÝHONEV.

Bul rette qutqarý qyzmeti qala turǵyndaryn júrginshiler jolynan óterde abaı bolýǵa shyqyrdy. Sondaı-aq, kólikterin aǵashtyń túbine qoımaýǵa keńes berdi.

Sońǵy jańalyqtar