17 Aqpan, 14:55 439 0 Saıasat Anar LEPESOVA

Prezıdent elorda ákimin qabyldady

Qazaqstan Prezıdenti Qasym-Jomart Toqaev Nur-Sultan qalasynyń ákimi Altaı Kólginovti qabyldady, dep habarlaıdy Aqorda

Kezdesýde Altaı Kólginov Memleket basshysyna Nur-Sultan qalasyn damytý máseleleri jónindegi keńeste berilgen tapsyrmalardyń oryndalý barysy týraly málimet berdi. Qazaqstan Prezıdentine turǵyn úı, áleýmettik nysandar: mektepter, aýrýhanalar men emhanalar, jeńil atletıka stadıonyn salý josparlary, qazaq drama teatrynyń qurylysy jóninde baıandaldy.

Qasym-Jomart Toqaev turmysy tómen otbasylarǵa jáne múmkindigi shekteýli jandarǵa memleket tarapynan áleýmettik kómek kórsetýdiń mańyzdylyǵyn atap ótip, halyqtyń ómir súrý sapasyn arttyrý baǵytyndaǵy jumystardy jalǵastyrý qajet ekenin aıtty.

Sonymen qatar, Memleket basshysy elorda ákimine qalanyń ınjenerlik jelilerin nyǵaıtyp, káriz júıelerin jańartý jóninde naqty tapsyrma berdi. Jalpy, Prezıdent elorda ákimdiginiń jumysyna oń baǵa berip, qalany abattandyrý isin odan ári qarqyndy júrgizý boıynsha mindetter qoıdy.

 

Sońǵy jańalyqtar