14 Aqpan, 18:17 659 0 Atajurt Araılym Bımendıeva

Qandastarymyzdyń azamattyq alýyn barynsha jeńildetý kerek – depýtat

Shet elderdegi qandastarymyzdy atajurt – Qazaqstanǵa oralýǵa shaqyrý Tuńǵysh Prezıdentimiz – Elbasynyń saıası-áleýmettik mańyzy zor, batyl da dana sheshimi bolǵandyǵy sózsiz. Sonyń arqasynda 1 mıllıonnan astam etnıkalyq qazaq elimizdiń Táýelsizdigi jyldary tarıhı Otanyna kóship kelip, jas memleketimizdi nyǵaıtýǵa ólsheýsiz úles qosty.
Memleketimiz qandastarymyzdyń quqyqtaryn qorǵaý, olarǵa áleýmettik qoldaý kórsetý máselelerine udaıy kóńil bólip, qoldanystaǵy kóshi-qon zańnamasy ýaqyt talabyna saı jetildirilip keledi.
Ótken jyly Úkimet ázirlep, Parlament Májilisiniń qaraýyna usynǵan «Qazaqstan Respýblıkasynyń keıbir zańnamalyq aktilerine kóshi-qon proesterin retteý máseleleri boıynsha ózgerister men tolyqtyrýlar engizý týraly» Zań jobasynda atajurtqa oralǵan aǵaıyndardyń Qazaqstan Respýblıkasynyń azamattyǵyn alýyn odan ári jeńildetýge baǵyttalǵan jańa normalar bar.
Máselen, qandastarymyzdyń «oralman» mártebesin jáne Qazaqstan azamattyǵyn alýǵa qajetti qujattardy bir mezgilde, ıaǵnı burynǵydaı eki ret emes, bir-aq ret tapsyrýy kózdelip otyr. Sondaı-aq kóshi-qon, salyq jáne eńbek zańnamasyn buzýshylyqqa jol berip, ákimshilik jazaǵa tartylǵan qandastarymyzdyń Qazaqstan azamattyǵyn alýyna qoıylǵan shekteý alynyp tastalmaqshy.
Alaıda, atalǵan Zań jobasyn talqylaý jónindegi jumys tobynyń otyrystarynda qandastarymyzdyń Qazaqstan azamattyǵyn alýyna áli de eleýli qıyndyq týdyryp, áýre-sarsańǵa túsirip kele jatqan taǵy bir ózekti másele barlyǵy anyqtaldy. Ol – ishki ister organdarynyń turaqty tirkeýdi talap etýi.
Osyǵan baılanysty shet elderden kóship kelgen etnıkalyq qazaqtardyń kópshiligi turǵyn úı satyp alýǵa múmkindikteri bolmaǵandyqtan, ózderin jekemenshik turǵyn úıleri men páterlerine turaqty tirkeýge ruqsat beretin adamdardy izdep, sol úshin olarǵa edáýir aqy tólep, shyǵyndanýǵa májbúr. Bul azdaı, keıin kóshi-qon polıııasynyń qyzmetkerleri qandastarymyzdyń tirkelgen baspanalarynda turmaıtyndyǵyn áshkerelep, olarǵa aqshalaı aıyppul salyp, qosymsha shyǵyndandyryp jatady. Munyń ózi kóshi-qon polıııasynyń keıbir qyzmetkerleriniń sybaılas jemqorlyqqa urynýyna jaǵdaı týǵyzatyndyǵy da jasyryn emes.
Osy problemany sheshý úshin qoldanystaǵy kóshi-qon zańnamasyna qosymsha túzetý engizý talap etilmeıdi, keıbir normatıvtik-quqyqtyq aktilerge ǵana ózgerister engizý qajet. Atap aıtqanda, Ishki ister mınıstriniń sheteldikterge jáne azamattyǵy joq adamdarǵa Qazaqstan Respýblıkasynda ýaqytsha jáne turaqty turýǵa ruqsattar berý qaǵıdalaryn bekitý týraly 2015 jylǵy 4 jeltoqsandaǵy №992 buıryǵyna, sondaı-aq Qazaqstan Respýblıkasynyń azamattyǵyna qabyldaý máseleleri boıynsha ótinishhattardy ishki ister organdarynyń qabyldaý, resimdeý jáne qaraý qaǵıdalaryn bekitý týraly 2016 jylǵy 28 qańtardaǵy №85 buıryǵyna tıisti túzetýler engizý qajet.
Osy másele boıynsha biz, «Nur Otan» partııasy frakııasynyń músheleri bolyp tabylatyn bir top depýtat Úkimetke hat joldap, qandastarymyzdyń Qazaqstan Respýblıkasy azamattyǵyn jeńildetilgen tártippen alýyna eleýli kedergi bolyp otyrǵan turaqty tirkeýdi talap etýdi alyp tastaýdy, nemese osy problemany sheshýdiń basqa utymdy tetigin jasap, qoldanýdy suradyq.

QR Parlamenti Májilisiniń depýtaty Káribaı Musyrmannyń feısbýktegi paraqshasynan alyndy

Sońǵy jańalyqtar