14 Aqpan, 15:43 305 0 Jahan Anar LEPESOVA

Qasym-Jomart Toqaev Mıýnhenge bardy

Memleket basshysy Germanııanyń Mıýnhen qalasyna jumys saparymen bardy. Bul týraly Prezıdenttiń baspasóz hatshysy Berik Ýálı habarlady. 

Sapar baǵdarlamasy aıasynda Prezıdent Mıýnhen qaýipsizdik konferenııasynyń paneldik pikirtalasyna qatysady.Qasym-Jomart Toqaev birneshe memlekettiń basshylarymen, halyqaralyq uıymdardyń, Germanııanyń iri kompanııalarynyń jetekshilerimen, sondaı-aq akademııalyq toptardyń ókilderimen birqatar ekijaqty kezdesýler ótkizedi dep josparlanǵan.

Berik Ýálı Facebook-paraqshasynda konferenııada Qasym-Jomart Toqaevtyń aımaqtyq qaýipsizdik máselelerine qatysty pikirtalasqa qatysyp, «Geografııalyq ornalasýdyń mańyzy: Ortalyq Azııa týraly áńgime» taqyrybynda sóz sóıleıtindigin jazdy.

Atalǵan Mıýnhen konferenııasyna 40-qa jýyq memlekettiń basshylary, 100-den astam syrtqy ister jáne qorǵanys mınıstrleri, halyqaralyq qatynastar salasyndaǵy bedeldi sarapshylar, Eýrokomıssııa ókilderi, sondaı-aq Eýropalyq parlament depýtattary qatysady dep kútilýde. Mıýnhen qaýipsizdik konferenııasynyń 56-shy otyrysy 2020 jyldyń 14-16 aqpany aralyǵynda ótedi. Aldyn ala aqparat boıynsha, konferenııany Germanııanyń federaldyq prezıdenti Frank-Valter Shtaınmaıer ashatyn bolady.

Búginde birqatar eldiń basshylary forýmǵa qatysandyqtaryn rastady. Konferenııa kúntártibinde «EO men NATO bolashaǵy», «Kıberqaýipsizdik», «Densaýlyq saqtaý máseleleri», «Saýda soǵystary men sankııalar», «Jalǵan aqparat, nasıhat pen kúmándi jańalyqtar», «Qytaı róli men EO-nyń Reseımen jáne AQSh-pen qatynasy», «Taıaý Shyǵystaǵy ahýal» taqyryptary talqylanbaq. Atap aıtqanda, Memleket basshysynyń Mıýnhen qaýipsizdik konferenııasyna qatysýy Qazaqstannyń bastamalaryn álemdik arenada ilgeriletýdiń, bitimgershilik salasyndaǵy negizgi óńirlik oıynshy retindegi Qazaqstannyń bedelin nyǵaıtýdyń mańyzdy kezeńi bolady. Sonymen qatar, búgingi kezdesýler 2019 jylǵy jeltoqsanda Qasym-Jomart Toqaevtyń Germanııaǵa resmı sapary barysynda qol jetkizilgen ýaǵdalastyqtardyń tıimdi iske asyrylýyna aıtarlyqtaı yqpal etedi.

 

Sońǵy jańalyqtar