28 Qańtar, 14:19 385 0 Jańalyqtar Asyl TUMAR

1,5 myń jer ýchaskesi memleket menshigine qaıtaryldy

Sýret ǵalamtordan alyndy
Sýret ǵalamtordan alyndy

Qaraǵandy oblysynyń prokýratýrasy jer zańnamasynyń saqtalýyn tekserdi, – dep habarlady oblystyq prokýratýranyń baspasóz qyzmeti.

Óńirdiń qadaǵalaýshy organy jergilikti atqarýshy organdarmen birlese otyryp, Elbasynyń paıdalanylmaıtyn jerlerdi memleket menshigine qaıtarý týraly tapsyrmasyn oryndaý boıynsha jumys atqarýda.

Jalpy alańy 1,3 mln gektardan astam 2,6 myńǵa jýyq paıdalanylmaıtyn jer jáne 62 myńnan astam tirkelmegen jer ýchaskesi anyqtaldy.

31 myńǵa jýyq ýchaskede olarǵa quqyq menshigi zańdy túrde tirkelmegen jyljymaıtyn múlik obektileri paıdalanylady. Qabyldanǵan sharalardyń arqasynda jalpy alańy 840 myń gektar quraıtyn 1,5 myń jer ýchaskesi memleket menshigine qaıtarylyp, olardy ıgerý jumystary júrgizilýde.

1,5 myń ýchaskeniń jáne 800-den astam jyljymaıtyn múlik obektisiniń qujattary tıisti túrde rásimdelip, quqyq menshigi tirkeldi. 429 tulǵaǵa aıqyndalǵan quqyqbuzýshylyqtardy joıý týraly uıǵarymdar tabystaldy.

Sonymen qatar, oblys prokýratýrasynyń bastamasy boıynsha, ıgerilmeı jatqan jer ýchaskelerin aıqyndap, memleketke qaıtarý úshin monıtorıng júrgizetin jumys toptary quryldy.

Sońǵy jańalyqtar