26 Qańtar, 14:57 851 0 Áleýmet Anar LEPESOVA

Halyq qaharmany Qasym Qaısenovtiń jary dúnıe saldy

Uly Otan soǵysynyń dańqty partızany, Qazaqstan Respýblıkasynyń Halyq qaharmany, jazýshy, pýblııst Qasym Qaısenovtiń jary qaıtys boldy, dep habarlaıdy Tengrinews.kz.

«25 qańtarda 99 jasynda Asyl Qabyshqyzy Qaısenova qaıtys boldy. Qazaqstan Respýblıkasynyń Halyq qaharmany, jazýshy, pýblııst Qasym Qaısenovtiń jary. Qaısenovtar otbasyna jáne týystary men jaqyndaryna qaıǵyryp kóńil aıtamyz. Imandy bolsyn», -delingen Facebook jelisinde jazýshynyń atynan ashylǵan qaýymdastyq paraqshasynda.  Kózi tirisinde aty ańyzǵa aınalǵan áıgili partızan (Qasym Qaısenov - avt. túsindirmesi) ShQO-daǵy Ulan aýdanynda 23 sáýirde dúnıege kelgen.

Ol - 1941-1945 jyldardaǵy Uly Otan soǵysynyń naǵyz qaharmany ǵana emes, sol ózi kórgen, kókeıine túıgen soǵys shyndyǵyn jetkizýshi. Ári ózi sekildi soǵysqa qatysqan qazaqtyń dańqty has batyrlary: Baýyrjan Momyshuly, Málik Ǵabdýllın, Jumaǵalı Saın, partızan Baıuzaq, Raqymjan Qoshqarbaev syndy tulǵalarymyz jaıly estelikter jazyp qaldyrǵan. Aıta ketsek, Qasym Qaısenovtiń jeke qory QR Mádenıet jáne sport mınıstrligi Ortalyq memlekettik arhıvinde saqtaýly. Sol málimetterden qazaqtyń batyrlary jaıly estelikterin jınaqtap berýdi jón kórdik. Qasym Qaısenov 2006 jyly 30 jeltoqsanda 89 jasynda Almatyda óz úıinde qaıtys boldy.

Sońǵy jańalyqtar