21 Qańtar, 14:30 412 0 Jańalyqtar Asyl TUMAR

Bek Air-diń buzylǵan ushaqtarǵa jańa saıman salýǵa qarjysy bolmaǵan – Azamattyq avıaııa komıteti

Sýret ǵalamtordan alyndy
Sýret ǵalamtordan alyndy

Otandyq áýe tasymaldaýshy sany bireýge azaıdy. Qazaqstannyń avıaııalyq ákimshiligi Bek Air-diń azamattyq áýe kemelerin paıdalanýshy sertıfıkatynyń jáne ushýǵa jaramdylyq sertıfıkatynyń kúshin ýaqytsha toqtatty. Sebebi onyń jumysynda qaptaǵan jónsizdikter anyqtaldy. Mysaly, ol synǵan ushaǵyn eski-qusqy ushaq bólshekterimen jóndep kelgen. Bul týraly aikyn.kz jazdy.

Avıaııalyq baqylaý organy 2019 jylǵy 27 jeltoqsanda Almaty mańynda bolǵan ushaq apatynan keıin Bek Air-diń bar dúnıesin aýdaryp-tóń­kerip, keń aýqymdy tekserýge kiristi.

«Bek Air AQ-ynda qaýipsizdikke qatysty salmaqty máselelerdiń jıiligi áýe tasymaldaýshysy úshin ruqsat etil­gen deńgeıden aıtarlyqtaı asyp ketti. Osy sebepti sertıfıkattar ýaqyt­sha toqtatyldy, áýe kompanııany muqııat tekserýge bastamashy boldyq. Onyń barysynda birqatar buzýshylyqtar anyqtaldy», – dep habarlady Azamattyq avıaııa komıteti.

Bek Air ushaq synsa, aqaýly qozǵalt­qyshy men agregaty jańasymen emes, kónergen basqa ushaqtyń jabdyqtarymen almastyra salynady eken.

«Bek Air bul proesti udaıy paıdala­natyny málim boldy. Iaǵnı, bir ushaqtyń quramdas bóligi túsiriledi de, basqa ushaqqa ornatylady. Bul áreketter suraq týdyrady. Óıtkeni mundaı jaǵdaıda ushaq komponentteriniń qoldanylý merzimi qalaı tirkelip, esepke alynady? Sondaı-aq bul Bek Air AQ qarjysynyń jetkiliksizdigi saldarynan zapas ból­shekterdi satyp alýǵa qabiletsiz ekenin kýálandyrady. Onyń ústine Fokker sekildi eski ushaqtardyń zapas bólshek­terin tabý qıyn», – dep qatań syn aıtty vedomstvo.

Beti ashylǵan soraqy isterdiń taǵy bir parasyna toqtalsaq, áýe kompanııa ushaq qozǵaltqyshtarynyń juqa taqtaı­shalaryn alyp tastaıtyn bolǵan. Al ol taqtaıshada qozǵaltqyshtyń serııa­lyq nómiri jazylady. Onsyz quzyr­ly organdar onyń qansha ýaqyttan beri paıdalanylǵanyn jáne ótkizgen ıklderin qadaǵalaı almaıdy. Kesiri­nen, Bek Air birneshe ushaǵynyń qozǵaltqyshyn ıdentıfıkaııalaý múmkin bolmapty.

Fokker-100 úshin qozǵaltqysh óndir­gen Rolls Royce osy ushaqtar Qazaqstan­da paıdalanyla bastaǵaly olardyń kúrdeli jóndelmegenin málim etti. Kompanııa qozǵaltqyshtardyń temir taqtaıshalaryn alyp tastaýǵa tyıym salynatynyn, oǵan ruqsat bermegenin rastady.

Basqa buzýshylyqtary da bastan asady: júk bólikterin órtten qorǵaý qurylǵylary, qutqarý jıletteri, apat­tyq radıomaıaq jetispeıdi.

Áýe kompanııasynyń ushaq parkiniń jaǵdaıy «qanaǵattanǵysyz» dep ta­nyl­dy. Mysaly, beınejaz­ba­lardy zertteý kezinde Bek Air ekıpajdary ushaq­ty daıarlaý barysynda sholý jasamaıtyny, qanattaryn tekser­meıtini, jýrnal toltyrýǵa júrdim-bardym qaraıtyny anyqtaldy. Eger Bek Air barlyq jónsizdikterin 6 aı ishinde joımasa, sertıfıkat­tarynan túpkilikti aıyrylady.

Óz kezeginde áýetasymaldaýshy buǵan deıin josparlanǵan barlyq reısterin alyp tastady. Budan bólek, 18 qańtarda IATA qaýymdastyǵy Bek Air belgileý kodyn keri qaıtaryp aldy.

Sońǵy jańalyqtar