21 Qańtar, 09:06 1059 0 Jańalyqtar Asyl TUMAR

«Biz respýblıka turǵyndarynan qoldaý suraımyz» – Pavlodar Caryarqa atanýy múmkin be?

Sýret ǵalamtordan alyndy
Sýret ǵalamtordan alyndy

«Pavlodardyń ataýy aýysady eken» degen aqparat ǵa­lam­torda jeldeı esip tur. Alaıda oblys ákimdigi bul aq­pa­rat­ty joqqa shyǵardy, «Bıyl Pavlodar ataýyn aýystyrý máselesi qarastyryl­maıdy». 

aikyn.kz saıtynyń jazýynsha, «2019 jyldyń maýsym aıyn­da­ǵy Úkimet qaýlysyna sáıkes bıyl ulttyq sanaq júrgiziledi. Sol sebepti respýblıka aımaqta­ryn­da 2020 jylǵy 1 qańtardan 31 jel­toqsanǵa deıingi halyq sana­ǵyn ýaqytyly jáne sapaly júr­gi­zý maqsatynda onomastıka­lyq má­se­leler, onyń ishinde oblys or­­ta­lyqtarynyń ataýyn ózgertý qa­ras­tyrylmaǵan», – deıdi Pavlodar oblysy ákiminiń baspasóz qyzmeti.

Birqatar qoǵamdyq birlestiktiń ókilderi men aqsaqaldardyń Pav­lo­­­dardaǵy kezdesýi ákimdiktiń osy­laı málimdeýine sebep bolyp otyr. Basqosýda belsendiler Pav­lo­dar qalasynyń ataýyn Saryarqa dep ózgertilýin qoldaǵan edi.

«Aqsaqaldardyń Saryarqa ataýyn qoldaǵanyna qýanyshty­myz. Endi biz qala turǵyndarynan ǵana emes, oblys, respýblıka tur­ǵyn­­darynan da qoldaý jına­maq­pyz» deıdi qoǵam belsendisi Suńǵat Sársembaev.

Onyń sózine qaraǵanda, Sary­arqamen qatar, Ertis, Táshenov ataýlaryn usynǵandar da bolypty. Pavlodar ataýyn aýystyrý týraly taqyryp bıyl kóterilip otyrǵan joq. Buǵan deıin de Jebe qoǵamdyq uıym ókilderi depýtat Aızada Qurmanovamen kezdesýinde Pavlo­darǵa Ertis ataýyn bereıik dep usy­nys tastaǵan edi. Depýtat oń kór­genimen, áleýmettik jelide bul usynys qoldaý tappady. Keıin Pavlodar ákimdigi qala turǵynda­ryn bul taqyrypty talqylamaýǵa shaqyryp, munyń resmı túrde qaras­tyrylmaǵanyn aıtqan bola­tyn.

Buǵan deıin de Kereký, Qımaq, Nurshahar, Nurkent degen ataýlar usynylǵan. 2018 jyldyń qarasha aıynda Pavlodar qalasynyń ata­ýyn ózgertý máselesi qaıta kóte­ril­di. Buǵan aımaqtyq bılik organ­da­ry bul máseleniń ózekti emes ekenin aıtyp, áńgimeni jyly ja­ýyp qoı­ǵan edi. Al qala Pavlo­dar ata­ýyn 1861 jyly ıemdengen edi. Odan beri de bir jarym ǵasyr ótip­ti.

Sońǵy jańalyqtar