20 Qańtar, 18:46 498 0 Jańalyqtar Asyl TUMAR

Almaty oblysynda zamanaýı jemis qoımasy ashyldy

Shelek aýyly mańynda qazirgi zaman talaptaryna saı jasaqtalǵan zamanaýı jemis qoımasy jumysyn bastady. Alma men ózge jemisterdi saqtaýǵa arnalǵan tońazytqysh qoıma «Agrarlyq nesıe korporaııasy» AQ qoldaýymen iske asyryldy.

«Joba elimizdiń Aýyl sharýashylyǵy mınıstrligimen iske asyrylatyn AÓK damytý baǵdarlamasy aıasynda júzege asty. Jalpy somasy – 6,5 mıllıard teńge, onyń 4,5 mıllıardtan astamyn Agrarlyq nesıe korporaııasy usyndy, qalǵan aqsha – ınvestordyń óz qarajaty», – dep atap ótti «Agrarlyq nesıe korporaııasy» AQ Basqarma tóraǵasy Murat Dáribaev.

«Alma Mater Fields» kompanııasynyń jobasyn korporaııa kezeń-kezeńmen 2017 jyldan bastap «Agroeksport» baǵdarlamasy boıynsha qarjylandyrdy. Memlekettik qoldaý sharalary jalpy somasy 4,7 mlrd teńgeden artyq tamshylap sýarý jáne shpalerlik júıe zamanaýı tehnologııasyn paıdalanatyn 120 jáne 90,5 ga eki baq otyrǵyzýǵa, sondaı-aq retteletin gazdyq ortasy bar 3600 tonna jemis saqtaý qoımasyn qurýǵa baǵyttaldy.

Tońazytqysh keshen ónimdi qaz qalpynda 12 aıǵa deıin saqtaıdy. Bul otandyq jáne sheteldik naryqqa balaýsa dámdi jáne shyryndy jemisterdi jyl boıy jetkizý múmkindigin týdyryp otyr. Iaǵnı, qys mezgilinde qazaqstandyqtar jergilikti ónimdi barynsha tómen baǵamen alýǵa qol jetkizedi.

Jemis qoımasy retteletin gazdyq jáne ylǵaldylyq ortasy bar 18 tońazytqysh kameramen jabdyqtalǵan. Keshenniń metall qurylysy – Qazaqstanda jasalǵan, qaptaýy – Reseıde óndirilgen, qalǵan jabdyq Gollandııadan ákelingen.

Sońǵy jańalyqtar