19 Qańtar, 17:12 501 0 Jahan Anar LEPESOVA

Tegerandaǵy apattan kóz jumǵan ýkraınalyqtardyń denesi Kıevke jetkizildi

Irandaǵy áýe apatynan qaza tapqan ýkraınalyq «MAÝ» áýe kompanııasy qyzmetkerleriniń denesi «Borıspol» halyqaralyq áýejaıyna jetkizildi. Bul týraly Ýkrınform habarlady.

Agenttiktiń habarlaýynsha, áýejaıǵa qaza tapqandardyń týystary jınalǵan. Sonymen qatar gúl alyp kelgen adamdardyń qarasy da qalyń. Áýejaıda medıınalyq qyzmetterdiń, Memlekettik tótenshe jaǵdaılar qyzmetiniń ókilderi, Ulttyq gvardııa jaýyngerleri, Ulttyq polıııa qyzmetkerleri júr. Aza tutý sharasyna qatysty aqparat taratý úshin kelgen jýrnalısterdiń legi de mol. Múrdelerdi alyp kelgen ushaq áýejaıǵa jergilikti ýaqyt boıynsha saǵat 11-de qonǵan.

Qaza tapqandardy aza tutýǵa arnalǵan shara ótip jatqanyna qaramastan «Borıspol» halyqaralyq áýejaıy shtattyq rejimde jumys istep tur. Ózge termınaldardan ushaqtardyń ushyp kelýi men ushýy kestege sáıkes júrgizilip jatyr. Jolaýshylarǵa saǵat 12-men 13 aralyǵynda «Borıspol» áýejaıy baǵytyndaǵy jolda qozǵalysqa shekteý bolatyndyǵy eskertilgen.

Eske salaıyq, sársenbi, 8 qańtarda Tegeran ýaqytymen 6:00-de Imam Homeını atyndaǵy áýejaıdan Tegeran-Kıev baǵytymen ushqan «Ýkraına halyqaralyq áýe jelileri» áýe kompanııasynyń Boeing-737 ushaǵy apatqa ushyrady. Ushaq bortynda 177 adam bolǵan: 168 jolaýshy men 9 ekıpaj múshesi. Onyń ishinde Irannyń – 82, Kanadanyń - 63, Ýkraınanyń - 2 + 9 (ekıpaj), Shveııanyń – 10, Aýǵanstannyń – 4, GFR-dyń – 3, Ulybrıtanııanyń 3 azamaty boldy. Olardyń barlyǵy qaza tapty.

 

Sońǵy jańalyqtar