17 Qańtar, 19:13 427 0 Áleýmet Anar LEPESOVA

14 mln teńge vs 814 mln teńge: Almaty ákimdigi sannan jańylyp, jurtty adastyra jazdaǵanyn moıyndady

Keshe Zertteu Research Institute qoǵamdyq qorynyń Fasebook-tegi paraqshasynda jarııalanǵan 814 mıllıon teńge týraly aqparat qate bolyp shyqty. 

Áleýmettik jelide talqyǵa túsken taqyrypqa oraı Almaty qalasy Qoǵamdyq damý basqarmasy túsinikteme beripti. Ol jaıynda Zertteu Research Institute qoǵamdyq qorynyń Fasebook-tegi paraqshasynda jarııalandy.

«Qurmetti jazylýshylar! Almaty qalasy Qoǵamdyq damý basqarmasy basshysynyń orynbasary Renat Bekbergenov basqarma qyzmetkerleri «Blogerlerdiń úlken shoýy» loty boıynsha satyp alý josparyn engizý kezinde qate jazyp jibergenin málimdedi.

Adam faktory sebebinen satyp alý sharasynyń negizgi somasy - 14 642 857 teńgeniń aldyna baıqamaı 8 sany qoıylyp ketken.

Qazir memlekettik satyp alý portalynda «Blogerlerdiń úlken shoýy» loty boıynsha aqparat jańartylyp jatyr.

Renat Bekbergenov myrza qoǵamnyń belsendi músheleri men «Zertteu research institute» QQ memlekettik satyp alý josparyndaǵy qateni túzeýge kómekteskeni úshin alǵysyn bildirdi.

Qate aqparat bermeý maqsatynda aldyńǵy postty óshirdik. Qateni ýaqytynda túzetýge sizderdiń de úlesterińiz kóp. Belsendi bolǵandaryńyzǵa alǵys bildiremiz!», – delingen qordyń habarlamasynda.

Aıta keteıik, keshe Almaty qalasynyń Qoǵamdyq damý basqarmasy «Blogerlerdiń úlken shoýy» atty jas blogerler men vaınerler sletin ótkizýge 814 mln 642 myń teńge josparlap otyrǵanyn habarlaǵan bolatyn. Qor óz jazbasynda Memlekettik satyp alý portalyna silteme jasaǵan. https://v3bl.goszakup.gov.kz/…/s…/2020/10505/344883/29774874

 

Derekkóz: aikyn.kz

Sońǵy jańalyqtar