17 Qańtar, 09:23 647 0 Jahan Anar LEPESOVA

Qytaıdaǵy indet: Vırýstyń taralýyn tejeý úshin áýejaıda jolaýshylardy jylýmen skanerleýde

Ýhanda koronavırýstyń jańa túrinen týyndaǵan vırýstyq pnevmonııadan taǵy bir adam kóz jumdy.

«2020 jyldyń 15 qańtaryndaǵy jaǵdaı boıynsha koronavırýstyń jańa túri 41 adamnan tabyldy. Olardyń beseýi aýyr halde jatsa, ekeýi kóz jumdy. On ekisi aýrýhanadan emdelip shyqty», - delingen Ýhan qalalyq densaýlyq saqtaý organynyń habarlamasynda.

Naýqastarmen baılanysta bolǵan adamdardyń sany 763 adamdy qurap otyr. Qazirgi ýaqytta 119 adam dárigerlerdiń baqylaýynda. Aýrýdyń adamdardyń bir-birine berilý jaǵdaılary anyqtalǵan joq. «Ýhan pnevmonııasynyń» órshýi álemdegi eń iri bolyp sanalatyn, halyqtyń jappaı ishki kóshi-qonyn týdyratyn aı kúntizbesi boıynsha dástúrli qytaı jańa jylynyń qarsańynda (25 qańtardaǵy túnde bastalady) oryn alady.

Qytaı bıliginiń boljamyna sáıkes, bıyl «Chýnzeni» daıyndaý jáne merekeleý úshin 40 kún ishinde azamattar el boıynsha 3 mlrd sapar jasaıdy. Jergilikti BAQ-tyń habarlaýynsha, Ýhan qalasyndaǵy «Tıanhe» halyqaralyq áýejaıynda (Hýbeı provınııasy) jolaýshylardy jylýmen skanerleý júrgizilýde.

Sońǵy jańalyqtar