16 Qańtar, 12:23 635 0 Áleýmet Anar LEPESOVA

"Álemniń úzdik muǵalimi" atanǵan aqtaýlyq muǵalim Anglııada bilim alý grantynan bas tartty

25 jastaǵy aqtaýlyq muǵalim Jiger Teleýhanov Londonda ótken baıqaýda "Álemniń úzdik muǵalimi" atandy. Anglııada bilim alý alý grantyn jeńip alǵan jas ustaz bul múmkindikten bas tartyp, elge qyzmet etýge bel býǵan. Bul týraly "Mańǵystaý" telearnasy habarlady. 

Jas pedagog Anglııada ótken ustazdar arasyndaǵy halyqaralyq baıqaý  qatysyp, "Hımııa páninen álemniń úzdik muǵalimi" qurmetti ataǵyn jeńip alǵan. Atalmysh konkýrsqa álemniń 100-den asa ustazdardy qatysypty.

Saıystyń jeńimpazyna Anglııada tegin magıstrlik bilim alý sertıfıkaty tabystalǵan. Alaıda Jiger Teleýhanov granttan bas tartyp, elge qyzmet etýdi jón dep tapqan.

"Bizdiń boryshymyz bar. Álıhan Bókeıhanov atamyz, Ahmet Baıtursynuly, Abaı Qunanbaev sııaqty uly bizdiń zııalylarymyz óz zamanynda jastardyń bilimin ashý kerek dep ózderin pıda etken bolsa, biz olardyń janynda eshqandaı qyzmet atqarǵan bolyp sanalmaımyz. Dál solardyń jolyn qýatyn tek qana qazaqtyń qarapaıym qara domalaq balasynyń birimiz ǵoı", - dedi pedagog.

Jiger Teleýhanov jeti tilde erkin sóıleıdi. Ol Qazaq ulttyq ýnıversıtetinde oqyp, bilimin Anglııa men Franııada jalǵastyrǵan. Búginde jas ustaz oqýshylaryn hımııa páninen respýblıkalyq olımpıadaǵa daıyndaý ústinde. Teleýhanov shákirtteriniń altynnan alqa taǵynatynyna senimdi.

Sońǵy jańalyqtar