16 Qańtar, 08:38 615 0 Qoǵam Anar LEPESOVA

Memlekettik basqarýdyń jańa modeli

Eldiń keleshegi búgingi jastardyń bet alar baǵyty men tý eter ustanymyna táýeldi. Sondyqtan memleket jas býynnyń kemel bilim alyp, tolymdy tájirıbe jınaýyna úne­mi qoldaý kórsetip keledi. Bolashaǵynan úlken úmit kúttiretin aza­mattardyń iste shyńdalyp, kúsh-jigeri men ozyq ıdeıalaryn qo­ǵam ıgiligine jumyldyrýyna baǵyt-baǵdar berýdiń mańyzy zor. Elimizde Prezıdenttik jastar kadr rezervin qurýdaǵy maq­sat ta osy. Aldaǵy ýaqytta el basqarý isine aralasatyn tań­daý­ly 300 jaspen kezdes­ken Memleket basshysy Qasym-Jomart Toqaev olarǵa artylǵan jaýapkershilik júgi jeńil bolmaıtynyn uqtyrdy.

Ótken jyly ulyqtaý rásiminde Memleket basshysy Qasym-Jomart Toqaev Prezıdenttik kadr rezervi qury­latynyn málimdegen edi. Sol jyl­dyń tamyz aıynyń sońynda Q.Toqaevtyń Jarlyǵymen Qazaqstan Prezıdentiniń janyndaǵy Jastar kadr rezervi jónindegi ulttyq komıssııa quryldy. Qyrkúıek aıynda Prezıdenttiń jastar kadr rezervine ótinim qabyldaý bastaldy. Rezerv quramyna enýge otyz bes jastan as­pa­ǵan, joǵary bilimi jáne bes jyldan kem emes eńbek ótili bar 13 myń­ǵa jýyq Qazaqstan azamaty óti­nish bildirdi. Ulttyq komıssııa kel­gen ótinimderdi iriktep, barlyq ta­lap­tarǵa saı keletin 300 jasty anyq­tady.

Qasym-Jomart Toqaev el basqarý isi­ne aralasatyn tańdaýly jastar­dyń qataryna qosylý zor mártebe ekenin basa aıtty.

– Ózderińiz sııaqty ozyq oıly, bá­sekege qabiletti mamandar elimizge óte qajet. Jalpy, bul – jas býyn ókil­deriniń jaýapty qyzmetke kelýi úshin jasalyp otyrǵan ıgi bastama. Osy rette ózderińiz sııaqty bilimdi ári talapty azamattarǵa úlken úmit ar­tamyz. Sizder jańa Qazaqstannyń damýy­na aıanbaı úles qosasyzdar dep sene­min. Elimizdiń aldynda bıik maq­sattar tur. Eń aldymen memleketi­miz­di odan ary órkendetip, Táýelsiz­digi­mizdi nyǵaıtýǵa tıispiz. Sondaı-aq aza­mattardyń ál-aýqatyn arttyryp, turmys sapasyn jaqsartýymyz kerek, – dedi Qasym-Jomart Toqaev.

Memleket basshysynyń aıtýynsha, el aldynda turǵan taǵy bir mindet – memlekettik basqarýdyń jańa mo­deline kóshý.

– Norvegııa, Jańa Zelandııa, AQSh mem­lekettik apparat qyzmetine aqyl­ǵa qonymdy ıkemdilik jáne epti­lik prınıpterin engizý prespektıvasyn belsene zerttep jatyr. Kóp­tegen el Ulybrıtanııa úlgisinde Úki­met janynan jobalyq keńseler qurý arqyly prodjekt-menejdment­ke kóshýde. Bizde de soǵan kúsh salynyp jatyr. Olardyń tıimdiligin tyń­ǵylyqty zerdeleý qajet, – dedi Prezıdent.

Qasym-Jomart Toqaevtyń atap ótýin­she, mundaı jańashyldyqtardyń ne­gizgi maq­saty – halyqqa jaqyn bolý.

– Sóz memlekettik qyzmettiń servıs­tik modeli jaıynda bolyp otyr. Qazaq­stan­ǵa da qoǵamnyń suranysyna bara-bar, tıim­di ári ádil memlekettik basqarýdyń jańa modeli kerek. Bul rette ol eń zamanaýı tehnologııalardy paıdalanýǵa negiz­delýi tıis. Osynyń barlyǵyn eskere kele, biz memlekettik basqarý júıesin refor­ma­laýǵa kiristik, – dedi Memleket basshysy.

Sondaı-aq Prezıdent osy jyldan bas­tap memlekettik qyzmetshilerdiń sany bir­tindep qysqartylatynyn eskertti.

– Bosaǵan qarajat barynsha paıdaly qyz­metkerlerdi materıaldyq ynta­lan­dyrýǵa jumsalatyn bolady. Joldaýymda aı­tylǵandaı, 2024 jylǵa qaraı memleket­tik qyzmetshilerdiń sanyn ulttyq kom­panııalardyń qyzmetkerlerimen qosa al­ǵanda 25 paıyzǵa qysqartý jospar­lan­ǵan, – dedi Qasym-Jomart Toqaev.

Memlekettik qyzmetkerler týraly sóz qoz­ǵalǵanda Prezıdent Úkimette mınıstr ne ákim aýyssa vedomstvodaǵy kadrlyq quram da ózgeretinin synǵa aldy.

«Kórsetkishter esebinde memlekettik or­gandardaǵy aýyspalylyq tolyqtaı alǵanda 6-10 paıyz normasy sheginde eke­nin kórsetti. Biraq mınıstr nemese ákim aýysqan kezde kadrlyq quramnyń da aı­tarlyqtaı ózgeretini aıqyn. Basshy qyz­metkerlerdiń sanyna qatysty normatıvter joq. Merıtokratııa prınıpteri de bar­lyq ýaqytta saqtala bermeıdi. Áli kún­ge deıin qamqorlyq jáne tanys arqy­ly, yqpaldy qamqorshynyń kómegimen qyzmet satysynda ilgerileý jaıttary bar», – deı kele, Memleket basshysy mundaı jaǵdaılardy qoǵam talqysyna shy­ǵarý qajetin basa aıtty. – Buǵan jol berý­ge bolmaıdy. Mundaı júıeni qo­ǵamdyq pikir arqyly da synı sarap­tamaǵa ushyratý qajet. Basqasha múmkin emes. Óıtkeni eń bastysy – nátıje. Qazaqstan qarqyndy damyp, alǵa qaraı ilgerileýi tıis.

Buǵan qosa, Prezıdent el basqarý isine aralasatyn jastarǵa  «Aqparatqa qol jet­kizý týraly» zańnyń normalaryn bas­shy­lyqqa alýdy eskertti.

«Ózderińizge málim, men saılaý barysynda «Halyq únine qulaq asatyn memleket» tujyrymdamasyn usyndym. Ol bas­ty úsh qaǵıdaǵa negizdelgen. Birinshisi – ashyqtyq jáne jarııalylyq. Sonyń aıasynda memlekettik organdardaǵy jumys­tyń ashyqtyǵyn qamtamasyz etý mindeti tur. Bizdiń árbir qadamymyz ben árbir she­shimimiz azamattarǵa túsinikti bolýy tıis», – degen Memleket basshysy qoǵam ókil­deriniń bıliktiń is-áreketimen kelis­pegen jaǵdaıda, pikirin erkin aıtýǵa múm­kindigi bolýy qajetin basa aıtty.

Qasym-Jomart Toqaevtyń aıtýynsha, Pre­zıdenttik jastar kadr rezervi ja­saq­taý isi ary qaraı jalǵasyn tabady.

«Búgin men elimizdiń barlyq jastaryna úndeý joldaǵym keledi. Jańǵyrý pro­e­si meniń ishki saıası baǵytymnyń negizgi basymdyqtarynyń biri sanalady. Kadr rezervin jasaqtaý jumysy osymen bitip qal­maıdy. Ol jalǵasatyn bolady. Aldaǵy ke­zeńde HHI ǵasyrdyń tabysty memleketin qurýǵa daıyn kásipkerlerdi, ǵalymdardy, mádenıet qaıratkerlerin, ınnovatorlar men ózge de talantty jas adamdardy jan-jaqty qoldaıtyn bolamyz. Bizge túrli salada jaýapkershilikten, standarttan tys ári tıimdi sheshimder qa­byl­daýdan qoryqpaıtyn jańa kózqarasty basqarýshylardyń komandasy qajet. Dál sondaı adamdar elimiz qajet etip otyrǵan nátıjelerdi berýge qabiletti», – dep Memleket basshysy jastardy jigerli isterge yntalandyrdy.

Sońǵy jańalyqtar