15 Qańtar, 09:02 359 0 Jańalyqtar Asyl TUMAR

Jalǵan fırma arqyly 3,9 mlrd tabys tapqan qylmystyq top ustaldy

Sýret ǵalamtordan alyndy
Sýret ǵalamtordan alyndy

Almatyda jalǵan fırmalar arqyly 3,9 mıllıard teńge sheshken uıymdasqan qylmystyq top músheleri ustaldy, – dep habarlady qalalyq Ekonomıkalyq tergeý departamentiniń baspasóz qyzmeti.

Byltyr 22 tamyz ben 31 jeltoqsan aralyǵynda 41 sotqa deıingi óndiris júrgizildi. Onyń ishinde, bes uıymdasqan qylmystyq top qurý deregi anyqtalǵan.

Olar bank esepshottarynan sondaı aqsha shyǵarý fırmalary arqyly aqshalaı qarajatty alyp otyrǵan.

«Alty kúdiktige qatysty qamaýǵa alý bultartpaý sharasy shyǵarylǵan. Memleketke keltirilgen shyǵyndy óteý maqsatynda olardyń múlki tárkilenedi. Mysaly, azamat T. basqarǵan uıymdasqan qylmystyq top 2017-2019 jyldary aralyǵynda ózi basqaratyn jeti kompanııa arqyly bank esepshottarynan 3,9 mıllıard teńgeni qolma-qol aqshaǵa aınaldyrǵan» delingen habarlamada.

Aıta keteıik, prokýratýranyń bastamasymen jalǵan esepshot-faktýralardy jazyp berý arqyly jasalǵan mámilelerdi jaramsyz dep tanyldy.

Nátıjesinde, sottarǵa 123 mıllıard teńgeden asa somaǵa kúmándi kompanııalar arqyly mámilelerdi jaramsyz dep taný týraly 820 talap aryz tústi, onyń ishinde, 32,5 mıllıard teńgege 179 is sheshimin tapty.

Sońǵy jańalyqtar