7 Qańtar 2020, 09:03 569 0 Áleýmet Anar LEPESOVA

Memleket basshysy qazaqstandyqtardy Rojdestvo merekesimen quttyqtady

Prezıdent Qasym-Jomart Toqaev qazaqstandyqtardy Rojdestvo merekesimen quttyqtady. Bul týraly Aqordanyń baspasóz qyzmeti habarlady. 

"Qymbatty qazaqstandyqtar!

Elimizdiń pravoslav hrıstıandaryn Rojdestvo merekesimen quttyqtaımyn! Tarıhy kóne ǵasyrlardan bastaý alatyn bul meıram azamattardy adamgershilik, meıirimdilik jáne baýyrmaldyq sııaqty máńgilik qundylyqtardyń qadir-qasıetin tereń uǵynýǵa shaqyrady.

Konfessııaaralyq kelisim – memleketimizdiń tabysty damýynyń mańyzdy faktorlarynyń biri. Biz elimizdi myzǵymas bereke-birliktiń rýhyna sáıkes órkendetip, bolashaqqa nyq qadam basyp kelemiz.

Qazaqstan qoǵamynyń ajyramas bóligi sanalatyn pravoslav hrıstıandary táýelsizdigimizdi nyǵaıtýǵa mol úles qosýda. Biz halqymyzdyń ál-aýqatyn arttyrý úshin birge qajyrly eńbek ete beremiz.

Barlyq pravoslav hrıstıandaryna amandyq jáne baq-bereke tileımin! Elimizde árdaıym beıbitshilik pen birlik bolsyn!" , - dedi Memleket basshysy.

 

Sońǵy jańalyqtar