29 Jeltoqsan 2019, 13:41 1017 0 Densaýlyq Anar LEPESOVA

Ushaq apaty: Alty bala jansaqtaý bóliminen shyqty

Almaty túbindegi ushaq apatynan zardap shekken alty bala jansaqtaý bóliminen shyǵaryldy. 

Bul týraly Almaty qalasy Qoǵamdyq densaýlyq basqarmasynyń jetekshisi Tileýhan Ábildaev málimdedi, dep habarlaıdy Sputnik.

Ushaq apatynan toǵyz bala zardap shekken bolatyn. Olardyń úsheýi bir jasqa da tolmaǵan. Balalar shuǵyl medıınalyq kómek kórsetý ortalyǵyna jetkizildi.

Altaýy qarqyndy terapııa jansaqtaý bólimine jatqyzyldy, úsheýi travmatologııa bólimshesinde jatyr, olardyń jaǵdaıy orta deńgeıde dep baǵalanyp otyr.

Travmatologtar eki balaǵa zamanaýı joǵary tehnologııalyq emdeý ádisterin paıdalana otyryp, kespeı ota jasaǵan. Operaııa shamamen bir saǵatqa sozylyp, sátti ótti. Ota jasalǵan balalardyń háli qazir aýyr, biraq jaqsarady dep boljap otyr dárigerler.

Qazirgi ýaqytta apat saldarynan zardap shekken balalardyń barlyǵy bólimshelerde em qabyldaýda.

Qaıǵyly oqıǵa 27 jeltoqsan tańerteń boldy. Bek Air áýe kompanııasynyń "Almaty – Nur-Sultan" baǵytyndaǵy Fokker 100 ushaǵy qulady. Ushaqta 93 jolaýshy men 5 ekıpaj múshesi bolǵan. Apat 12 adamnyń ómirin qıdy, qaza bolǵandardyń ishinde ushaq komandıri bar. Ekinshi ushqysh qazir aýrýhanada jatyr.

Áýeli polıııa ushaqtyń qulaýyna sebep bolǵan eki jaǵdaıdy alǵa tartqan edi – tehnıkalyq aqaýlyq nemese ushqyshtyń qateligi. Keıin úshinshi sebep aıtyldy - meteorologııalyq jaǵdaı.

Prezıdentiń tapsyrmasymen premer-mınıstr jetekshilik etetin komıssııa quryldy. Toqaev apattyń sebebin anyqtap, kinálilerdi qatań jazalaýdy tapsyrdy. 28 jeltoqsan elimizde jalpyulttyq aza tutý kúni bolyp jarııalandy.

Sońǵy jańalyqtar