14 Jeltoqsan, 20:35 555 0 Jańalyqtar Asyl TUMAR

AQSh ǵalymdary qartaıý men aljýdyń aldyn alatyn dári jasady

Sýret ǵalamtordan alyndy
Sýret ǵalamtordan alyndy

AQSh-tyń Solka ınstıtýtyndaǵy ǵalymdar aljý men Algeımer aýrýyna qarsy CMS121 jáne J147 dárileri tyshqandardyń qartaıýyn baıaýlatady jáne mı jasýshasynyń zaqymdanýyn buǵattaıdy degen tujyrym jasaǵan. Bul týraly Medical Xpress baspasóz habarlamasynda jazylǵan, – dep habarlaıdy Lenta.ru. 

Ǵylymı tájirıbege tez qartaıatyn tyshqandar alynǵan. Olarǵa CMS121 nemese J147, ıaǵnı Algeımer aýrýy, ıa bolmasa qartaıý kezinde neırondardyń qyzmetin qoldaýǵa qabiletti ósimdik qospalary negizindegi zattar beriledi. Janýarlardyń jasy – toǵyz aı bolǵan. Bul adamdardyń orta jastan asqannan keıingi kezeńine teń. Tórt aıdan keıin tyshqandardyń minez-qulqy men jady tekserilip, mıdaǵy genetıkalyq jáne molekýlalyq júıeleri taldanǵan.

Nátıjesinde tájirıbe júrgizilgen tyshqandardyń jady qarapaıym qandastarynan jaqsy bolyp shyqty. Olarda jasýshalyq jáne molekýlalyq deńgeıde ózgerister baıqalǵan. Mysaly, jasýshalyq organeldermen energııa óndiretin mıtohondrııaǵa baılanysty genderdiń belsendiligi turaqty qalpynda qaldy. Qospalar almasýda mańyzdy sanalatyn A aetılkofermentiniń deńgeıin arttyrýǵa kómektesetini anyqtaldy, ol mıtohondrııa jumysyn jaqsartady jáne qartaıýǵa yqpal etetin mı jasýshalaryndaǵy proesterdi baıaýlatady.

Sońǵy jańalyqtar