14 Jeltoqsan, 19:47 547 0 Jańalyqtar Asyl TUMAR

"Denesin 30% kúıik shalǵan" – balabaqshada sorpaǵa kúıgen qyzdyń anasy sottasýda

Sýret ǵalamtordan alyndy
Sýret ǵalamtordan alyndy

Balabaqshada kúıip qalǵan qyzdyń anasy bilim basqarmasymen sottasyp jatyr. Ol balasynyń ústine ystyq sorpa tógip alǵan mektepke deıingi mekemeniń qyzmetkerleri tıisti jazasyn almaı, jaıbaraq júrgenine narazy. Oqys jaǵdaı naýryz aıynda Aqtaýdaǵy balabaqshalardyń birinde bolǵan. Bul týraly KTK arnasy habarlady.

Jeti jasar Karınanyń ońbaı kúıgen sáti beınebaqylaý kamerasyna jazylǵan. Kadrlerden as bólmege júgirip kirgen qyzdyń ústine kútýshi áıel ystyq sorpany tógip alǵanyn kórýge bolady. Saldarynan búldirshinniń denesin 30 paıyz kúıik shalǵan. Alǵashynda Karınanyń júrip-turýy da muń bolypty. Anasy jumysyna salǵyrt qaraǵan balabaqsha qyzmetkerlerin kinálap otyr. «Mektepke deıingi mekemede balalardyń qaýipsizdigi múldem saqtalmaǵan», – deıdi ol.

«Biz barǵanda balanyń ústibasy sorpa boldy. Eshkim jedel járdem shaqyrmaǵan. Kıimderin birden sheshkeni aqylǵa qonymsyz. Alǵashqy medıınalyq kómek múldem kórsetilmegen. Qyzym janushyra aıǵalap jatsa da, tárbıeshi alańsyz júr. Óıtkeni ol sańyraý eken. Jasy 72-de. Mundaı adamdy qalaı jumysqa alýǵa bolady?», – dep shaǵynady qyzdyń anasy.

Balasyn ýaıymdaǵan Sánııa toǵyz aıdan beri talaı aýrýhana tabaldyryǵyn tozdyrypty. Alaıda Aqtaýdan bilikti maman tapaǵanyn aıtady. Keıin qyzyn Nur-Sultan qalasyna aparyp, birneshe ota jasatqan. Qazir qyzdyń jaǵdaıy qalypty. Biraq denesinde kúıiktiń izderi áli bar. Qyzynyń qınalǵanyn eske alǵan ana kózine eriksiz jas aldy:

«Qyzyma 40 ekpe saldy. Qınalǵanyn kórip, janymdy qoıarǵa jer tappadym. Balabaqsha dırektory bir aı ótken soń bizdi umytty. Qyzym áli óz ózine kelgen joq. Ábden shoshyp qalǵan. Bul jaǵdaı basqalarǵa da sabaq bolýy tıis».

Al qalalyq bilim basqarmasyndaǵylar balabaqshanyń birqatar qyzmetkerin jumystan shyǵarǵanyn aıtady. Al balanyń em-domyna mektepke deıingi mekemeniń ujymy 600 myń teńge jınap beripti.Aqtaý qalalyq bilim basqarmasynyń bólim basshysy Aqmaral Baıshahanova istiń mán-jaıyn ózinshe túsindirip berdi:

«Osy jaǵdaıdan keıin biz balabaqshada qyzmettik tekseris júrgizdik. Tárbıeshi men dırektordan túsinikteme aldyq. Atalǵan balabaqshanyń tárbıeshisi, onyń kómekshisi men medbıke jumystan bosatyldy.»

Alaıda Sánııa qalalyq bilim basqarmasyn sotqa bergen. Oqıǵaǵa qatysty alǵashqy sot proesi de bastaldy. Karınanyń anasy kináliler tıisti jazasyn almaıynsha, sońyna deıin kúresemin dep otyr. Qyzdyń emine ketken qarajatty ol tolyq kólemde óndirip almaqshy.

aikyn.kz

Sońǵy jańalyqtar