14 Jeltoqsan, 16:05 450 0 Jańalyqtar Asyl TUMAR

"Men sharshadym" – Alına Zagıtova jarystarǵa qatyspaıdy

Sýret ǵalamtordan alyndy
Sýret ǵalamtordan alyndy

Olımpıada chempıony, belgili fıgýrıst Alına Zagıtova aldaǵy ýaqytta ótetin dúnıejúzilik jarystarǵa qatyspaıdy. Bul týraly sportshy Birinshi arnanyń "Vremıa" baǵdarlamasyna bergen suhbatynda aıtty. 

Jýrnalıstiń "Alına, úlken sporttan ketemin dep sheshtiń be?" degen saýalyna fıgýrıst: "Aldaǵy ýaqytta ótetin Reseı, Eýropa jáne álem chempıonatyna qatyspaımyn. Qazirgi ýaqytta ártúrli muzdy shoýlarda óner kórsetýdi josparlap jatyrmyn", – dep jaýap berdi.

Jas sportshy sporttyq jarystarǵa qatyspaýynyń sebebin "Mende bári bar. Biraq, shyǵarmashylyq shabyt joq" dep túsindirdi. Buǵan qosa, kez kelgen chempıonatqa qatysý tehnıkalyq, psıhologııalyq ári moraldyq turǵyda kóp daıyndyqty talap etedi. "Bul uzaq ári kúrdeli jol. Bul kúnge deıin qatysyp kelgen árbir jarysym ońaıǵa túsken joq. Tańnan keshke deıingi uzdiksiz jattyǵýlar, tynymsyz eńbek, moraldyq kúızelis, bári-bári sharshatady. Qazir demalǵym keledi", – deıdi Zagıtova.

Alına Zagıtova sporttaǵy basty jattyqtyrýshysy Eterı Týtberıdzeniń komandasymen ary qaraı da jumys isteı beretinin aıtty. Aldaǵy ýaqytta mánerlep syrǵanaýdyń jańa ári tyń tehnıkalaryn meńgerýdi josparlap júrgenin jetkizdi.

Alına óziniń sporttaǵy jattyqtyrýshylaryn, Reseıdegi sport federaııasyn jáne barlyq jankúıerlerine alǵysyn bildirdi.

Sońǵy jańalyqtar