14 Jeltoqsan, 10:35 431 0 Jańalyqtar Asyl TUMAR

Zerdeli zertteýshi edi – Elbasy

Sýret ǵalamtordan alyndy
Sýret ǵalamtordan alyndy

13 jeltoqsan kúni akademık Sultan Sartaev ómirden ozdy.

Bıyl 92 jasqa tolǵan ardager ustaz, ataqty zańger, ǵalym Sultan Sartaıuly elimizdegi Konstıtýııanyń negizin qalaýshylardyń biri. Ol 1995 jyly elimizdiń Ata Zańyn daıyndaýǵa belsendi aralasty. Onyń bastaýymen Konstıtýııaǵa Qazaqstannyń jer jáne jer qoınaýy, ulttyq nyshandaryna baılanysty kóptegen mańyzdy ózgeris engizildi.

Sultan Sartaıuly Sartaev - keńes jáne qazaqstandyq ǵalym, zań ǵylymdarynyń doktory, professor, Qazaqstan Ulttyq Ǵylym akademııasynyń akademıgi, Qazaqstan Respýblıkasynyń eńbek sińirgen ǵylym qaıratkeri, Quqyqtaný jáne halyqaralyq qatynastar ınstıtýtynyń rektory, Qazaqstan zańgerler qaýymdastyǵynyń vıe-prezıdenti.

Sultan Sartaev 1927 jyly 15 qazanda dúnıege kelgen. 1962 jyly Sultan Sartaıuly aýyldarda qazaq mektebin bitirgender úshin zań fakýltetinde qazaq bólimin ashý úshin barlyq kúsh-jigerin jumsaǵan. Ol balalar úıinde tárbıelenip jatqan stýdentterdi jataqhanamen qamtamasyz etý jáne shákirtaqy alýǵa, qazaq tilindegi qabyrǵa gazetin shyǵarýǵa kómektesti.

Keshe Elbasy Nursultan Nazarbaev professor S.Sartaevtyń qaıtys bolýyna baılanysty kóńil aıtý jedelhatyn joldady. Qazaqstannyń Tuńǵysh Prezıdenti ǵalymnyń otbasy men týǵan-týystaryna jáne áriptesterine kóńil aıtty.

«Sultan Sartaıuly otandyq zań jáne quqyqtaný salasyn damytýǵa eleýli úlesin qosqan zerdeli zertteýshi bolatyn. Ol memleket pen qoǵam isterine de belsene aralasyp, jaýapty qyzmetter atqardy. Únemi azamattyq aıqyn ustanymyn tanytyp, qajyrly eńbegimen elimizdiń ósip-órkendeýine atsalysyp, kóptiń syı-qurmetine bólendi», – delindi jedelhatta.

Sońǵy jańalyqtar