14 Jeltoqsan, 09:45 459 0 Jańalyqtar Asyl TUMAR

Búginnen bastap kún sýytady

Sýret ǵalamtordan alyndy
Sýret ǵalamtordan alyndy

Sınoptıkter aldaǵy mereke kúnderi 14-17 jeltoqsan aralyǵynda aýa raıy qandaı bolatynyn aıtty, - dep habarlaıdy "Qazgıdromet" RMK.

Sınoptıkterdiń málimetinshe, aldaǵy kúnderi aýa temperatýrasy tómendeıdi.

"Respýblıkamyzdyń soltústik oblystarynda qar men temperatýranyń tómendeýin ákelgen arktıkalyq sýyq front ońtústik, ortalyq jáne shyǵys oblystary arqyly Altaıǵa jyljıdy. Onyń artynan antııklonnyń yǵysýymen Qazaqstannyń qalǵan aımaqtarynda da temperatýranyń tómendeýi kútiledi. Biraq ol da uzaq bolmaıdy. Dúısenbi, 16 jeltoqsanda Reseıdiń Eýropalyq bóliginen respýblıkanyń batys oblystaryna kezekti atmosferalyq fronttardyń jyljýymen jaýyn-shashyn jaýady dep boljanady. Respýblıkanyń kóptegen oblysynda baıqalǵan tuman jáne kóktaıǵaq osy boljam aralyǵynda da saqtalady", - deıdi "Qazgıdromet" ókilderi.

Sońǵy jańalyqtar