14 Jeltoqsan, 09:02 403 0 Jańalyqtar Asyl TUMAR

Bul oqıǵany túsindire almaımyn – Ardavıchýstiń jaýaby

Sýret ǵalamtordan alyndy
Sýret ǵalamtordan alyndy

"Dakar-2012" rallı-reıdiniń qola júldegeri Artýr Ardavıchýs Antıkorrýpııa qyzmetiniń onyń 800 mıllıon teńge jymqyrdy degen kúdikke ilingeni týraly pikir bildirdi, – dep habarlaıdy Tengrinews.kz.

"Sybaılas jemqorlyqqa qarsy organnyń boljamy boıynsha, meniń Astana Motorsports komandasynyń dırektory men kapıtany bola otyryp, oqý-jattyǵý jıyndary men jarystardy ótkizýge ótinimderdi arttyrý arqyly iri somany urlaýǵa qatysym bar. Aıyptaý kózqarasy – tergeý organynyń qyzmetindegi ajyramas atrıbýt, bul olardyń jumysynyń ereksheligimen túsindiriledi. Osyǵan baılanysty tergeý orbıtasyna túsetin kez kelgen azamat óziniń kinásizdigin dáleldeýge májbúr. BAQ-ta jarııalaý adamdardy qoǵam aldynda aqtalýǵa májbúr etetin ádisterdiń biri retinde paıdalanylady. Meniń oıymsha, meniń de jaǵdaıym solaı. Álde bizdiń elimizde, qoǵamda jáne quqyq qorǵaý organdarynda kinásizdik prezýmpııasy basqasha túsiniletin shyǵar. Áıtpese bul oqıǵany túsindire almaımyn", – dedi Artýr Ardavıchýs.

Sportshynyń aıtýynsha, odan jaýap alynbaǵan, taǵylǵan aıyp kórsetilmegen.

"Tekserýge kim jáne qashan bastamashy boldy, bul jaǵy maǵan belgisiz. Tergeý organynyń meniń ornalasqan jerim týraly shynaıy málimetteri bar. Men árqashan tergeýshimen baılanysamyn. Jyldyń basty týrnıri - aty ańyzǵa aınalǵan "Dakar-2020" jarysyna daıyndalýdyń múmkin emesi týraly jazbasha túsinikteme berildi. Men bir eýropalyq komandanyń bas shabandozy boldym, kelisimshartta kórsetilgen mindettemelerim bar. Bul kelisimshartqa aıyptaýdyń aldynda uzaq ýaqyt buryn qol qoıǵanmyn. Men týǵan Qazaqstanymnyń namysyn qorǵaımyn. Osy jarysqa daıyndyq úshin birde-bir tıyndy qazaqstandyq bıýdjetten alǵanym joq jáne odan úmitti emespin. Maǵan tek meniń kásibı quzyretime baılanysty kelisimshart usynyldy", – dedi ol.

Artýr Ardavıchýs kásibı qyzmetine baılanysty shekara asqanyn jáne mundaı jumys tártibi birneshe jylǵa sozylatynyn aıtty.

"Men kez kelgen qońyraýǵa jaýap beremin. Maǵan kóptegen otandasym, sonyń ishinde jýrnalıster qońyraý shaldy. Men barlyǵy úshin ashyq jáne qoljetimdi adammyn. Mundaı jaǵdaılarda adamǵa qatysty izdeý qalaı jarııalanatynyn túsine almaı otyrmyn. Buqaralyq aqparat quraldary arqyly qysym – is júrgizý talaby ekenin joqqa shyǵarmaımyn. Qalaı bolsa da, "Dakardy" aıaqtaǵannan keıin men Otanyma kelip, kinásizdigime dáleldeımin. Memlekettik organdar zańdy sheshim qabyldaıdy degen senimdemin", – dep qorytyndylady sportshy.

Munyń aldynda Sybaılas jemqorlyqqa qarsy qyzmet 2016-2017 jyldary Qazaqstan avtosportyn damytýǵa bólingen qarajatty jymqyrý isi boıynsha tergeý júrgizip jatqanyn habarlaǵan. Sybaılas jemqorlyqqa qarsy qyzmettiń ekinshi departamentiniń basshysy Sergeı Perovtyń aıtýynsha, Ardavıchýs birneshe ret jaýap alýǵa shaqyrtylǵan, alaıda shetelden kelýden bas tartqan.

"Atalǵan mán-jaılardy jáne Ardavıchýs myrzanyń qylmystyq quqyq buzýshylyq jasaǵanyn kórsetetin jetkilikti negizderiniń bolýyn eskere otyryp, oǵan qatysty syrttaı "kúzetpen ustaý" bultartpaý sharasy sankııalandy. Halyqaralyq izdeý jarııalaý týraly materıaldar sotqa jiberildi", – delingen edi vedomstvo taratqan habarlamada.

Sońǵy jańalyqtar