13 Jeltoqsan, 20:05 483 0 Jańalyqtar Asyl TUMAR

Úkimet azyq-túlik baǵasyn turaqtandyrýǵa qaýqarsyz – depýtat

Sýret ǵalamtordan alyndy
Sýret ǵalamtordan alyndy

Jeltoqsan aıynda azyq-túlik baǵasy kúrt qymbattap ketti ketti, – dep habarlaıdy Energyprom.kz. 

Máselen, bir aıdyń ishinde qyzanaq baǵasy – 23,1%, qııar – 20,1%, sarymsaq – 6,6%, qyzylsha 1,9 paıyzǵa qymbattaǵan. Jıdekterdiń ishinde apelsın (3,5%), banan (2,3%) men alma (1,8%) qymbattady. Dándi-daqyldardyń da baǵasy arzan emes. Qaraqumyq quny 13 paıyzǵa ósti. Birinshi surypty un  – 6%, joǵary surypty unnyń baǵasy 3,9 paıyzǵa ósti. Sáıkesinshe nan ónimderiniń de quny artty.

Májilis depýtaty Aıqyn Qońyrovtyń pikirinshe, úkimet azyq-túlik baǵasyn turaqtandyrýda qaýqarsyzdyq tanytyp, halyqtyń múddesin qorǵaı almaı otyr. Depýtat úkimet azyq-túlik ınflıaııasynyń aldyn alý úshin Ulttyq jospar jasaýǵa tıis ekenin alǵa tartty. Aýyl sharýashylyǵy ónimderin óndirýshiler jemdi qanshaǵa alatyna memlekettik organdar kóńil bólmeıdi. Aýylda pishenniń tonnasy 25-30 myń teńge turady. Al astyq qory eksportqa shyǵarylatyn taýarlyq astyqqa qaraǵanda (bir tonna astyq qaldyǵyna) 70 myń teńgege qymbat satylady. Munyń barlyǵy dıqandar men jaıylym jerleri iri astyq kompanııalardyń ıeliginde bolǵannyń nátıjesi. Ákimdikter úlken fermalar men qus fabrıkalarymen jumys isteıdi. Olar azyq-túlik ónimderdiń basym bóligin qosalqy sharýashylyqtar óndiretinin umytyp ketedi»,– dedi Aıqyn Qońyrov.

Aıta keteıik, bul aıda aýyl sharýashylyǵy ónimderiniń ishinde jumyrtqa – 6%, sút – 3%,  sary maı – 2,5%, qaımaq 1,3 paıyzǵa qymbattady. Qarashamen salystyrǵanda jylqy eti  – 1,5%, sıyr baýyrynyń baǵasy 1,2 paıyzǵa ósti.

Sońǵy jańalyqtar