13 Jeltoqsan, 19:07 478 0 Jańalyqtar Asyl TUMAR

«Jańa Almaty»: 2020-2022 jyldarǵa arnalǵan qala bıýdjeti qansha?

Sýret ǵalamtordan alyndy
Sýret ǵalamtordan alyndy

Almaty ákimdiginde ótken máslıhat otyrysynda 2020-2022 jyldarǵa arnalǵan qala bıýdjeti talqylandy, – dep habarlaıdy QazAqparat.

«Almaty bıýdjeti 738 mlrd teńge kóleminde bekitildi. Aldaǵy eki jylda qala bıýdjeti áleýmettik salalarǵa baǵdarlanǵan bolyp qala beredi. Áleýmettik salaǵa shamamen, 280 mlrd teńge, ıaǵnı 40% jumsalady.

Atap aıtqanda, bilim berý salasyna – 172 mlrd teńge, densaýlyq saqtaý salasyna – 77 mlrd teńge, halyqty áleýmettik qorǵaýǵa – 26 mlrd teńge, qalanyń ınjenerlik ınfraqurylymyn damytýǵa – 39,9 mlrd teńge, qoǵamdyq kólikti damytý salasyna – 121,5 mlrd teńge, tótenshe jaǵdaılardyń aldyn alý men qaýipsizdik salasyna – 17,9 mlrd teńge, ıfrlandyrýǵa – 1,7 mlrd teńge, kásipkerlik pen bıznesti damytýǵa – 13,2 mlrd teńge, qalanyń 8 aýdanynyń damýyna 1,4 mlrd teńge jumsalady», – dedi qalalyq Strategııa jáne bıýdjet basqarmasynyń basshysy Nurtas Qaıyrov.

Máslıhat depýtattary bıýdjet jobasyn biraýyzdan qoldady. «Bıýdjet jobasyn qaraý kezinde qalalyq máslıhat depýtattarynyń jáne profıldi komıssııalardyń talqylaýy boldy. Bul jıyndarda kóbinese áleýmettik máseleler kóterildi. Qarjyny ońtaılandyrý nátıjesinde barlyq daýly másele sheshimin tapty. Ásirese jol ınfraqurylymy, turǵyn úı-kommýnaldyq sharýashylyǵy, qoǵamdyq kólik, qaýipsizdik, bilim berý, densaýlyq saqtaý salalaryna bólindi. «Jańa Almaty» keshendi josparyn júzege asyrý mindetterin eskerdik. «Shekarasyz qala» baǵdarlamasy aıasynda turǵyndardy aýyzsýmen, kógildir otynmen, kósheni jaryqtandyrý, áleýmettik nysandar qurylysy, aýlalardy abattandyrý máselelerine basymdyq berilgen. Jalpy alǵanda qala bıýdjeti jobasy bıyl da áleýmettik salalarǵa mańyz berip otyr», – dedi máslıhattyń Ekonomıka jáne bıýdjet boıynsha komıssııasynyń tóraǵasy Sergeı Kozlov.

Sońǵy jańalyqtar