13 Jeltoqsan, 17:14 3062 0 Jańalyqtar Asyl TUMAR

"Kolbın joǵalsyn!": balabaqshadaǵy mıtıng úshin qandaı jaza bolmaq? (vıdeo)

Sýret vıdeodan alyndy
Sýret vıdeodan alyndy

Almaty oblysyndaǵy balabaqshanyń birinde balaqaılar merekelik qoıylym qoıǵan, onda búldirshinder «Kolbın joǵalsyn!» («Kolbın, doloı!») degen jazýy bar plakat ustap, mıtıng uıymdastyrady. Balalardyń kelesi bir toby qolyna oıynshyq qarý ustap, olardy qýa bastaıdy.

Daıyndyq barysynan túsirilgen vıdeo áleýmettik jelilerde taralyp ketken. Kadrda qarama-qarsy tizilgen eki topty kóremiz: biriniń qolynda urandary jazylǵan plakat, olar tárbıeshiniń nusqaýymen «Kolbın joǵalsyn!» dep aıqaılaıdy, al kelesi top qolyndaǵy oıynshyq qarýmen olardy qýady – bılik ókilderi meńzep tursa kerek.

Daıyndyq 12 jeltoqsan kúni bolǵan, keıipkerler – Talǵar aýdany Taldybulaq aýylyna qarasty «Balbulaq» baqshasyndaǵy «Suńqar» tobynyń balaqaılary.

Mektepke deıingi tárbıe men oqytýdyń úlgilik oqý baǵdarlamasyna sáıkes, mundaı mazmunda is-shara ótkizýge tyıym salynady. Qazirgi ýaqytta, atalmysh balabaqshanyń quryltaıshysy men ádiskeri Talǵar aýdandyq Bilim basqarmasyna túsindirme jumystaryn ótkizý úshin shaqyrtylǵan.

Oblystyq bilim departamentiniń basshysy Dáýren Júnisov mundaı jaǵdaıdyń qaıtalanýyna jol bermeıtinin jáne osyndaı baǵytta is-shara ótkizýge sebepker tulǵalarǵa qatań jaza qoldanatynyn jetkizdi.

Gennadıı Kolbın – keńestik saıasatker, Qazaqstan KP OK birinshi hatshysy. Kolbınniń qyzmetke taǵaıyndalýy jastar narazylyǵyn týdyryp, 1986 jyly jeltoqsanda qarsylyq sherýine shyǵýyna sebep boldy. Almaty jastary qazirgi Respýblıka alańyna shyǵyp, basqa basshy taǵaıyndaýyn talap etken.

;feature=emb_logo

 

Sońǵy jańalyqtar