13 Jeltoqsan, 10:20 467 0 Jańalyqtar Asyl TUMAR

«Ekibastuz-2» elektr stansasyn satyp aldyq

Sýret derekkózden alyndy
Sýret derekkózden alyndy

«Samuryq-Qazyna» ulttyq ál-aýqat qory reseılik «Inter RAO» energetıkalyq kompanııasynan «Ekibastuz-2» elektr stansasynyń 50 paıyz akııasyn sa­typ aldy.

Osylaısha, mańyzdy elektrenergııa aktıvi tolyǵymen Qazaqstan Respýblıkasynyń baqylaýyna ótti. Bul týraly brıfıng barysynda «Samuryq-Energo» kompanııasynyń basqarýshy dırektory Almasadam Satqalıev málim­de­di.

– Reseı tarapy menshigindegi akııasyn 50 mln dollarǵa baǵalap, saýdaǵa saldy. Biz kelissóz nátıjesinde bir mámilege kelip, reseılikter úlesin 25 mln dollarǵa satyp aldyq. Barlyq qujatqa qol qoıyldy. Bul aktıvterdiń arqasynda «Ekibastuz-2» stansasynda úshinshi energoblogtyń qurylysyn aıaqtaýǵa múmkindik týdy. Elbasynyń ózi tikeleı tapsyrǵan jobany júzege asyrýǵa Energetıka mınıstrligi de atsalysady, – dedi Almasadam Satqalıev.

Jalpy, «Samuryq-Energo» men «Inter RAO» kompanııalaryna qarasty Qazaqstan – Reseı birlesken kásiporny 2005 jyly qurylǵan. Endi Qazaqstan Úkimeti stansany keńeıtýge kirisip, qaıta qurý sheńberinde qýattylyǵy 636 MVt-ty quraıtyn úshin­shi energoblokty ornatady. Bul joba Qazaq­stannyń elektr energııasyna degen kúnnen-kúnge ósip kele jatqan qajettilikti qamtamasyz etýge jáne eksporttyq áleýetin arttyrýǵa septigin tıgizedi.

2009 jyly Qazaqstan Respýblıkasy men Reseı Federaııasynyń úkimetteri arasyndaǵy kelisim aıasynda «Ekibastuz MASES-2 №3 energoblogynyń qurylysy» jobasy iske qosylǵan edi. 2010 jyly tıisti smetalyq qujattar ázirlenip, memlekettik saraptamadan ótti. Osynyń negizinde «Eki­­bastuz memlekettik aýdandyq elektr stan­sasy» kompanııasynyń 50 paıyz úlesin satyp alýǵa sheshim qabyldandy.

Stansany tolyq baqylaý elimizdiń ener­getıkalyq táýelsizdigin kúsheıtýge áser etedi. Qazirgi tańda Qazaqstan qosym­sha elektr qýatyna muqtaj. Ulttyq ekonomıkanyń damýyna energetıka salasynyń yqpaly zor.

Aıta keteıik, «Ekibastuz-2» stansasy­nyń murjasy – álemdegi eń uzyn tútin shy­ǵaratyn qubyr. Onyń bıiktigi – 419,7 metr. Al keshenniń bir ózi Baıqońyr sııaqty iri ǵarysh aılaǵy men ózge de strategııalyq ma­ńyzdy nysandardy qamtamasyz etýge qaýqarly. Mamandardyń boljamyna sen­sek, Ekibastuzdaǵy kómirdiń jalpy geo­logııalyq qory – shamamen 10 mlrd tonna.

aikyn.kz

Sońǵy jańalyqtar